KAPSIMANG KAPMA 1:12 - Kok Borok (Re-edited) Bible (BSI)

¹² “Ani gana tẃi lái phainai norokni thani le omo mungsa phano ya de? Naiwi nai di, Subraiyung belai khe jolimani salo ang sátokma swk khe tei sátokjaknai da tong?

KAPSIMANG KAPMA 1:12 Iomraidhean Croise

LOBMUNG 88:16

Nini jolima ani saka tẃi lái tháng kha; nini kirimasingcha khe swprakma bai ano sokomor laha.

JISAIA 13:13

Aboni bagwi sengkrakrokni Subraiyungni jolimani salo ang nokhano kwlwi rwnai, ha jangrijak bainai.

JIRIMIA 10:19

Ang bwswk se bwkha kham! Tamni hwn ba ani kwsa belai khe kotor. Hai phano ang hai hwnwi ma sa-o, “Au omo le ani bagwi sátokmungno wng laha, ang omono ma soi sinai.”

JIRIMIA 18:16

bórokni hano kirimasingcha khlai lai kha, tei mol brúm brúm buini mwnwimung khlai kha. Aboni gana tẃi thángnai joto bororok kiriui bokhorok ninang rwui thángo.

JIRIMIA 30:23

Naisik di? Subraiyungni thamchi, a thamchi borok hamyarokni khorogo klainai.

JIRIMIA 30:24

Subraiyung bini bwkha bisingo chapmarok samungo phnang bai ya sak bini kirimasingcha thamchi holiui tháng glak. Omono norok ulni salo saui man anw.

JIRIMIA 30:7

Oma! A sal bwswk se kotor wngno, a sal hai tei kubun sal wng glak; a sal Jakobni bagwi digi-sigini sal; hai phano bo aroni mwthangjaknai.

JIRIMIA 4:8

Aboni bagwi rí soroirok kan di tei chubo chum di, khá khamwi hai hwnwi kap di: “Subraiyungni kirimasingcha jolima chini saka’-ono tong kho.”

JIRIMIA 48:27

Israil nini mwnwijakmung tongnai diba? Bo sikhokrokni bisingo khopjak ya diba? Norok bono tẃiwi kók sa lai brúmno khorok jangriui tong lai-o hai ya da?

KAPSIMANG KAPMA 1:18

“Subraiyung bujsói khlainaisa, ang bini kókno kebengjak kha; o bororok khna di, ani tektono nai di; ani chwla siklarok tei bwrwi siklarok buini ha-o khaui tlangjak bái kha.

KAPSIMANG KAPMA 2:1

Kaitor bahai khe jolijagwi Siyonni sajwkno chumui bai kobolwi ton kha! Bo Israilni chẃngsachano nokha sakani ha saka-o khiklai rohor kha; bo jolijakmani salo bini yakung boksa thaino muitu khlai li ya.

KAPSIMANG KAPMA 2:13

O Jerusalemni sajwk, ang nini bagwi tamo sanai, tamo bai nono su-ui mannai? O Siyonni bwrwi siklajwk, ang nono bubo hai khe saui bwkha kwchang rw sinai? Nini kwsa le twijlang swk tor laha sabo nono ham rwui man sinai?

DANIEL 9:12

Nwng samani haino chini saka tei tẃiphangrokni saka-o tei kubun harokni slái teibo kirimasingcha khe klai kha. O ha saka-o Jerusalemno sátokmani hai tei kaisabo khlaijak ya kho.

JOEL 2:2

a sal wng kha mwnak tei mokjak kosom! Hathái-o mwnakma chumui kobol tẃi khe phan gwnang sengkrakrok phai-o: abórok hai swkango kwrwi kho tei phai tongma molobo abo hai bo wng phi glak.

MATHAI 24:21

Tamni hwn khe swngchar snam phuruni simi tabuk jora abo hai digi-sigi uáisa phano wng ya kho, abo hai tei w bo wng glak kha.