KAPSIMANG KAPMA 1:10 - Kok Borok (Re-edited) Bible (BSI)

¹⁰ Kebengnai arirok bórokni joto kaham manwirokni saka yak rw kha; bo buini dopharokno bini háyá kwtharo suda hap phaimano nuk kha, aile a bororok nini bororokni bodolo ha suda se hapma ya.

KAPSIMANG KAPMA 1:10 Iomraidhean Croise

2 BOSONG 36:18

Babilonni habugra Kaitorni nokni bebak manwi-khwnwirok, kotor kotoi, Subraiyungni nokni rangkhókrokno, habugrani tei tẃiphangrokni rangkhókrok bebakno na baiwi Babilono tubu kha.

NEHEMIA 13:1

A salo Musini kerong bororokni bwskango poriui khna rwjak khe, aro omo hai swijak nuk kha: Ammonsarok eba Moabrok Kaitorni bororok bai ma gwdal glak hwnwi.

JISAIA 63:18

Nini kwthar bororok kwthar háyáno manmani jora kisa si kho; chini arirok nini háyáno yakung bai kádul bai kha.

JIRIMIA 15:13

“Nini bebak ha gwnangwi sumsokni bagwi ang nini sompotirokno tei khatijak rangchak-ríchakrokno segwi manmani manwirok hai khe ahaino nini kena arirokno rw anw.”

JIRIMIA 20:5

Ang o kamiyungni bebak rang-rírok bo khatiui tongmarok, bini sokatrok tei Judani habugrani bebak manwi-khwnwirokno bórokno sekpronai kena arirokni yago yapharwi rwnai, hakhe bórok bórokno Babilono tlangwi thángnai.

JIRIMIA 27:19

Tamni hwn ba thonglarokno, twijlang khurirok, berajaknai yakungrokno tei kamiyungo tong rwk bainai kwthar manwirokno sengkrakrokni Subraiyung hai hwnwi sa-o,

JIRIMIA 27:21

Subraiyungni nogo Judani habugrani nogo tei Jerusalemo khibiui klangjakma kwthar manwirokno tẃiwi Israilni Kaitor, Sengkrakrokni Subraiyung hai hwnwi sa-o,

JIRIMIA 50:28

Khna di! Subraiyung chini Kaitor yagul sumani bini noktharni bagwi yagul sumani kókno Siyono sakhlaina bagwi bórok Babilon hani khárwi yók bai kha.

JIRIMIA 51:51

Chwng belai lachimasingcha khe lachi rwjak kha; chwng mwkhang man liya, tamni hwn ba phatarsarok chini Subraiyungni noktharo phai kha.

JIRIMIA 52:13

Bo Subraiyungni nokthar tei habugrani noyung bai Jerusalemni bebak kotor kuchuk nokrokno sógwi pái kha.

KAPSIMANG KAPMA 1:7

Jerusalem bini dukhu-birmanni salrogo bini swkang phuruni chẃngsachani kókrokno muitu manjago. Bini bororok digi-sigi-o klai phuru aro bono chubanai khoroksa phano kwrwi kha, bini kenarok bo báikhrubwi klaimano nugwi thesra kari lai-o.

ESEKIEL 44:7

Norok buini hani bororokno tei bwkha-o tei bahano sakur rajak yarokno ani noktharo ton rwui tei ani noktharni kwtharno dera rw kha, norok ano chámung bupham tei thẃirok yaphar kha. Norok bebak samung hamya khlaiwi ani swmaino swbai kha.

ESEKIEL 7:22

Ang bórokno naisik glak tei ani tongthai kwtharno dera rwnai sikhokrokbo haino aro habwi dera rwnai.

ESEKIEL 9:7

Hakhe bo bórokno hai hwnwi sa kha, “Noktharno hamya khlai di tei kwthwi bai nokhla supung di. Swkangwi tháng di.” Hakhe bórok ongkhorwi thángwi kamiyungni bororokno buthar lai kha.

MARK 13:14

“Gojob Khlainai Selengmasingchano norokbo tong maya-o nuk anw.” (Omo tamo hwnmani abo porinaisa saui man thung.) “Aphuru Judia-o tongnairok hathái bwkhak khárwi tháng thung;

UÁINWINI SA PHIMA 23:3

Ammonsa eba Moabsa Subraiyungni kuthum lai thani habwi man glak; bórokni bosong kaichi jora tẃi khoroksa phano Subraiyungni kuthum laithani hap phlaiwi man glak.

UÁINWINI SA PHIMA 23:4

Tamni hwn khe norok ha Ijipni nongkhorwi phaimani jora-o bórok norokno chámung tei nungmung rwui chuba li ya; tei bórok norokno swrai rwnani bagwi Mesopotamiani Pethoro tongnai Beorni bwsla Balamno kwchárwi tubu kha.