KAPSIMANG KAPMA 1:1 - Kok Borok (Re-edited) Bible (BSI)

¹ Salsa kamiyung borok bai kupulung tongmani tini bwswk se siring sorok! Bo salsa dopharokni bisingo kotor wngwi tongma se bo tabuk bwswk khe randijwkma hai ma wng kha! Bo salsa angkorrokni bere habugrani sajwk hai tongmani tabuk khe seleng hai wng kha.

KAPSIMANG KAPMA 1:1 Iomraidhean Croise

1 HABUGRA 4:21

Solomonni ha Uphratisni simi Philistia tei Ijipni ari jora. Bórok bono rang ma yapharo tei thwi yasak’-no bo aro tong lang kha.

2 HABUGRA 23:33

Ijipni habugra Pharao Neko ha Hamatni Ribla-o khaui chobwi tonjak kha tei Judano 3,400 kilo rukphai tei rangchak budul kaisa rwnani lon rw kha.

2 HABUGRA 23:35

Hakhe Jehoiakim rukphai tei rangchak Pharaono rw kha; tamo khe bo Pharao dagima hai khe rang rw di hwnwi dagi kha. Bo lukurokni aroni chúkmani tẃi khe’-no bini hani bororokni thani Pharaono rwna bagwi rang khang kha.

2 BOSONG 9:26

Bo bebak habugrarokno Uphratisni simi ha Philistia jora tei Ijipni ha ari jora muphunwi bugra chá kha.

EJRA 4:20

Jerusalemo belai gwnang habugrarok achugwi bebak Uphratis narni amchoirogo habugra cháui teksrok tei rangrok thum lang bai kha,

NEHEMIA 5:4

Teibo aro baksa khe hai hwnwi sa lai-o, “Chwng buini thani rang se yak solok ma nanai, chini haphar, angur bwlwngo habugrani lakai sunani nango,

NEHEMIA 9:37

Chini sumsokni bagwi, chini saka-o habugra songmarokni thani se aswk kaham manwirok klai si-o. Bórok muchung tẃi’-no chwngno tei chini mal-matarokno khlai si-o, chwng khe belai tong kesep khe se ma tong si-o.”

LOBMUNG 122:4

Aro bosongrok kasaui thángo, Subraiyungni bosongrok, Israilno dagijakma tẃi Subraiyungni mungwi hambai rw laina bagwi.

JISAIA 14:12

“O Aitorma, Aichukni sajla! nwng chuknohani bahai khe klai kha! Nwng se salsa dopharokno mechenwi tongmani tei tabuk khe nwng ha-o khiklai rwjak kha.

JISAIA 22:2

Norokni kamiyung hohom-dodom tei tongthothok. Nini aroni butharjaknairok seng bai tanjagwi butharjak ya.

JISAIA 3:26

Hakhe bini dugayungrok bebak kapsimang kap lainai tei bo sichi-lala wngwi ha-o achuk anw.

JISAIA 49:21

Aphuru nwng bwkha bising bising hai hwnwi sa phai anw: ‘Omorokno ani bagwi sabo achai rw lang? Ang ba bwsarokno kwmajagwi tei banja hai tongmani se bla, ang rwkhlaiwi rohorjak tei khárwi ma tongma se, omorokno ba sabo ba tor rw kha lok rw kha? Nai di, ang saichung tongmani se; hakhe omorok buroni sók phai bai kha?’ ”

JISAIA 50:5

Subraiyung ani khunjuno phiyógwi rw kha, tei ang kók khna ya wng li ya, ang ubo uphil li ya.

JISAIA 52:2

Bwsakni hadlwi bupra si di, o khaui tonjak Jerusalem bacha si di; o Siyonni sajwk nini totrani khajakno kheng si di.

JISAIA 52:7

Kothoma kaham tubunairokni yakungrok, hachuk saka-o bwswk naithogwi tong; tong kwchangni kók sakhlainairok, kahamni kothoma tubunairok, mwthangma kókno sakhlainairok. Siyonno hai hwnwi sa-o, “Nini Kaitor nono naikolwi tongo.”

JISAIA 54:4

“Ta kiri di, tamni hwn khe, nwng lachimasingcha wng glak; ta uana di, tamni hwn khe nwng lachi rwjak glak; nwng nini sikla jorani lachimasingcharokno pogwi tháng anw; tei nini randi wngwi tongma jorani lachimasingcharokno; nwng tei muitu tong glak.

JIRIMIA 31:7

Tamni hwn khe Subraiyung hai hwnwi sa-o: “Jakobni bagwi norok khorang khlai tongthogwi rwchap lai di, tei dophani bokhorokni bagwi khorang kotor khlai di; auai khlai di, lobwi hai hwnwi sa di, Subraiyung, Israilni tong rwknai bororokno mwthang kha.”

JIRIMIA 40:9

Saphanni busuk Ahikamni bwsla Gedalia bórokni thani tei bórok bororokni thani hai hwnwi swmai tangwi sa kha, “Norok kolodiasongno monnano ta kiri di, a ha-ono tong laiwi, Babilonni habugrano mon di, abo bai norokni kaham wng anw.

JIRIMIA 42:2

tei diyari Jirimiano hai hwnwi sa lai kha, “Chini sanmano khna ja di, tei nwng Subraiyung nini Kaitorni thani chini bagwi phiya o tong rwknairokni bagwi suri ja di. Tamni hwn ba aswk kwbángmani se chwng kisicha se tong rwk si-o, abono nwng nuk kha.

JIRIMIA 44:2

sengkrakrokni Subraiyung Israilni Kaitor hai hwnwi sa-o; norok norokni mokol baithangno ang Jerusalemni saka-o tei Judani kamiyungrokni saka-o bebak digi-sigi tubumani nuk kha. Nai di, tini abórok bebak bukcha wng kha, khoroksa phano aro tongnai kwrwi,

JIRIMIA 44:6

Aboni bagwi tini Judani kamiyungrokni saka-o tei Jerusalemni lama thwgwi ani thamchi bai jolima lukhlaijak kha. Hakhe tabuk jora abo bukcha, khibijak wng bai kha.

JIRIMIA 50:23

Swngchar gwnangwini bebak mutarirok bahai khw swbaijak bai kha! Dopharokni thani Babilon bahai khe kirimasingcha wng kha!

JIRIMIA 9:11

Ang Jerusalemno kwbai burung khlainai, siyalrokni tongthai khlainai, tei Judani kamiyungno aswk khe swbainai aro bororok tei tongwi man glak.

KAPSIMANG KAPMA 1:19

“Ani hamjakmarokno ang ring kha tamo khe bórok ano bandi kha; kamiyungo ani ochairok tei tẃiphang okrarok phan khanani bagwi chámung rutuk lai phuru komor bái kha.

KAPSIMANG KAPMA 2:1

Kaitor bahai khe jolijagwi Siyonni sajwkno chumui bai kobolwi ton kha! Bo Israilni chẃngsachano nokha sakani ha saka-o khiklai rohor kha; bo jolijakmani salo bini yakung boksa thaino muitu khlai li ya.

KAPSIMANG KAPMA 2:10

Siyonni sajwkni okra chakrarok ha-o siring siring khe achuk kha; bórok khorogo hadlwi phulwi solani rí kano; Jerusalemni bwrwi siklarok bórokni bokhorok ha-o súkpáiwi tong lai-o.

KAPSIMANG KAPMA 4:1

Rangchak bahai khe chwna ya wngwi tháng, aswk kwchẃng rangchak kaham bahai bálai tháng! Kwthar holongrok bebak lamarogo se saharjagwi tong si-o.

KAPSIMANG KAPMA 5:16

Chini bokhorokni motok kogwi klai kha; chini le bwswk se kirimasingcha, tamni hwn ba chwng sumsok khlai kha.

ESEKIEL 26:16

Hakhe twijlang rukungo tong bainai bugrarok bórok achukthayungni ma nongkhor bainai; bórokni rírok ma khuknai, rí bumul gwnangrok ma khuk bainai, kiri twtwi rí ma kan lainai; bórok ha-o achuk lainai, kirijak lai kwlwi máng tong lainai tei nono nugwi mwlang cha lainai.

ESEKIEL 26:2

Borokni sajla, Turni bororok Jerusalemno tẃiwi hai hwnwi sa kha, “O! báiwi pái kha, bororokni bagwi duglam tongmani swbaijak kha. Abo ani se wng si-o, tabuk omo haino bukcha wngjak, ang se hamcha sinai.”

ESEKIEL 5:5

Subraiyung Kaitor hai hwnwi sa-o: Omo Jerusalem; ang bono kwnwi kwcharo songchamani tei kubun dopharok bono kitingwi tong bai-o.

LEBI 26:31

Ang norokni hapharrokno swbainai tei nini háyárokno dera rwnai, hakhe norok báhai motom rwmani abono ang yachak glak.

LEBI 26:33

Ang norokno bosongrokni bisingo oroi-poroi khlainai tei ang sengkhokni sengno sokogwi naui nini utung-utung tongnai hakhe nini ha sokomorjaknai tei nini hapharrokbo bái báinai.

JAPHANIA 2:15

Omo se a khom-khom khe tongmani a kamiyung, bo sak-sak hai hwnwi sa-o, “Ang simi se, ano karwi tei kwrwi kha” nai di omo bahai khe komorwi bolongni yabrwirokni tongthai wng kha! Aboni gana tẃi láinairok abono thesra kariui mwnwinai.

PHUNUKJAKMANI 18:7

Bo sakno kotor khlaima tẃi’-no, bo tongthok cháthok tongma tẃi’-no bono sátok di, bono kap rw di. Tamni hwn ba bo khá bising bising hai hwnwi sa máng tongo, ‘Ang oro isiri wngwi achugwi tongo! Ang randi ya, ang uáisa phano ma kap glak!’