JOSUA 9:1 - Kok Borok (Re-edited) Bible (BSI)

¹ Hakhe bebak habugrarok Jordanni saltháng bai phaisingni hathái-o tei hathái yaphango tongnairok tei ha kwcharni twijlang rukungni hani simi Lebanon jora tong bainai Hitisarok, Amorrok, Kanansarok, Peressarok, Hibisarok tei Jebusrok Israilrok kwplai wngma kókno khna bai kha.

JOSUA 9:1 Iomraidhean Croise

LEKHAMUNG 34:6

“Salthángbai bwkhakni ha ari khe Twijlang kotor jora, omono norokni sal thángbaini ha ari wngnai.

LAM RWMA 3:17

tei ang kók rw kha, ‘Ang norokno Ijiprokni aro sátokjakmani yakni phiyógwi Kanansarokni, Hitisarokni, Amorsarokni, Peressarokni, Hibisarokni tei Jebussarokni ha-o tlangwi thángnai, a ha dut tei piya bwtwi bai kupulung.’ ”

JOSUA 3:10

Hakhe Josua hai hwnwi sa kha, “Kaitor norokni bisingo tongo hwnwi saui man anw tei norok khoroksa kwrwi tẃi khe norokni bwskangni Kananrokno, Hitisarokno, Hibisarokno, Peressarokno Girgassarokno, Amorsarokno tei Jebussarokno rwkhlai rohornai.

LAM RWMA 23:23

Ani suari norokni slái swkang swkang thángwi norokno Amorsarokni ha-o tlangnai; Hitisarokno, Peressarokno tei Kanansarokno, Hibisarokno, Jebussarokno sokomornai.

JOSUA 24:11

Aphuru norok Jordan bárwi Jeriko phai kha tei Jerikoni bororok norok bai choba nang lai kha, abo hai khe Amorsarok, Peressarok, Kanansarok, Hitisarok, Girgassarok, Hibisarok, Jebussarokbo nang lai kha. Ang bórok bebakno norokni yago yaphar bai kha.

JOSUA 23:4

Ang norokni bosongrokni bagwi tabuk tong bainai dopharokni hano tei ang mechenmani Jordanni simi salthángbaini ha kwcharni twijlang jorano ha banta rw bai kha.

JOSUA 22:7

Tabuk Musi ha Basano Manaseni bosong khaksarokno ha banta rwui rw kha, phiya tei khaksarokno khe Josua bórokni takhukrok bai baksa, Jordanni salthángbai-o ha banta rw kha. Tei Josua hamari rwui bórokno nogo kiphilwi rwui rohor bai kha.

JOSUA 22:4

Tabuk Subraiyung norokni Kaitor swmai tangmani haino norokni tei takhuk Israilrokno lenglama rw kha, abo bai’-no Subraiyungni seleng Musi norokni banta rwma tẃi’-no Jordanni salka bwkhak ha rwmani sakni nogo kiphilwi tháng bai si di.

JOSUA 15:12

Abono salthángbaini ha ari, aro Judiani bororok tong bai-o.

JOSUA 13:5

Gebalsarokni ha, salka phaisingni bebak Lebanon, salgrabai phaising Harmon hachukni Balgadni simi Lebohamato hapmani jora.

JOSUA 11:17

Halak hachukni simi salgrabai bwkhak Idom gandar jora tei hakchal Balgadni salsibai harung Lebanonni hacher hathái Harmon jora ha ari phuarjak kha. Bo bebak ha arini habugrarok bai choba sal kwdwkma romwi choba nang lai kha tei bórokno mechenwi buthar bai kha.

JOSUA 10:23

Hakhe hakhor phiyogwi Jerusalemni, Hebronni, Jarmutni, Lakhisni tei Eglonni habugrarokno tikhlaiwi

JOSUA 5:1

Jordanni salthángbai phaising tongnai bebak Amorni habugrarok tei twijlang kotor gana-o tong bainai bebak Kananni habugrarok Jordanni twino Subraiyung bebak Israilni bororok bárwi tháng bai ya sak kwran khlai kha hwnwi khna khe Israilrokno belai kiri baiwi bwkha kwlwi bai kha.

JOSUA 3:17

Hakhe Israilrok ha kwran tẃi bár lai phuru swmai bokhok balnai ochairok ha kwran Jordan kwcharo bebak bororok bárwi tháng bai ya sak aro bachaui tong lai kha.

JOSUA 1:15

Subraiyung norokni takhuksongno tei nono lengla rw ya sak tei Subraiyung norokni Kaitor rwnani hwnmani ha-o bórok kaham khe achuk ya sak, hakhe norok sakni ha-o phaiwi Subraiyungni seleng Musi Jordan twima ayang naro salka phaising rwma-o achuk phai di.”

JOSUA 1:4

Hasing panthor tei Lebanonni simi twima kotor jora, Uphratis twima tei bebak Hitirokni hani khe salthángbai phaising twijlang jora nini ha wngnai.

UÁINWINI SA PHIMA 7:1

“Norokni Subraiyung Kaitor norok habwi nana naiwi tongmani a ha-o norokno tubu-ui phai phuru khe aphuru nini bwskangni kwbángma dopharokno rwkhlaiwi rohor bainai, Hitisarokno, Girgassarokno, Kanansarokno, Peressarokno, Hibisa tei Jebussarokno rwkhlai rohor kha, o kaisni dopharok norokni slái kwbo kwbáng tei phanbo gwnang gwja,

UÁINWINI SA PHIMA 4:49

tei Jordanni bebak haphar tei Araba twijlang jora tei kháma-o Pisgani halap jora khopjago.

UÁINWINI SA PHIMA 3:25

Nono koi ja-o, ano Jordanni ayang naro thángwi a ha kaham, naithok hachukni kamiyung tei Lebanonno nukna rw ja di.’

LAM RWMA 34:11

Tini ang nono dagimarokno khlai di. Nai di ang nini bwskangni Amorsarokno, Kanansarokno, Hitisa, Peressa, Hibisa tei Jebussarokno rwkhlainai.

LAM RWMA 23:31

Ang norokni hano phuarnai. Twijlang kwchakni simi Philistiasarokni twijlang jora tei hasinglwngni simi Uphratis jora, ang norokni ha-o tongnairokno norokni yago rwnai tei norok bórokno norokni bwskangni riphrigwi rohornai.

LEKHAMUNG 13:29

Salgrabai bwkhago khe Amalekrok tong bai-o tei hatháini kamirogo khe Hitirok, Jebusrok tei Amorni bororok tong bai-o tei Kananrok khe twijlangni samo Jordanni rukungo tong bai-o.”

JOSUA 6:27

Hakhe Subraiyung Josuani logi-o tong kha tei bebak ha-o bini mung pírjak kha.

JOSUA 9:7

Israilrokni bororok Hibisarokno hai hwnwi sa kha, “Norok gana gana-o se tong baina, bahai khe norok bai kók khlai mannai?”

UÁINWINI SA PHIMA 1:7

Amorsarokni hachuk ha bai Negebo tei gana-ginini amchoi, Arabani, hachuk ha Sephela tei Negeb, Kananni tei bórokni ha twijlang rukung bai Lebanon, Uphratisni bwkhak norok tabuk kiphilwi lam rw di.

2 SAMUEL 24:7

hakhe bórok Turni nok kwrakma-o tei Hibisa bai Kanansarokni kamiyungrogo tei páithago khe Negebni simi Judiani Birseba-o tháng lai kha.