JOSUA 8:3 - Kok Borok (Re-edited) Bible (BSI)

³ Hakhe Josua bebak bini sengkrakrok bai Ai-o thángnani tiyar wng lai kha. Josua phan gwnang borok khorok thamchisai saiwi bórokno horni bisingono rohor kha.

JOSUA 8:3 Iomraidhean Croise

LAM RWMA 17:9

Hakhe Musi Josuano hai hwnwi sa kha, “Chini bagwi bororokno saiwi na di, ongkhorwi thángwi Amelekrok bai choba nangwi di, khwna-o ang thángwi Kaitorni raidang tẃiwi hathái bokhorogo bachauinai.”

MATHAI 24:39

hai phano twi torwi bórokno bebakno kochok rw ya sini tamo wngna naiwi tong kha abono bórok saui man ya. Borokni Sajla phai phurubo abo hai’-no wngnai.

MATHAI 24:50

Hakhe phai glak hwnwi tongmani salono, bo saui man slap ya sini bini nokphang phainai.

MATHAI 25:6

“Hor diboro khe ‘Iko, káijaknai sa phai sók phai kha! Lamjak phai bai di!’ hwnwi chirikhók lai kha.

1 THESALONIKI 5:2

Subrai phainani a sal wng kha horo sikhok phai tẃi se wngnai, abo norokno kaham khe saui mano.

JOSUA 10:7

Hakhe Josua tei bebak bini sengkrakrok bai phan gwnangrok khe Gilgalni tháng lai kha,

JOSUA 8:2

Jerikono tei aroni habugrano khlaimani haino, nwng Ai tei aroni habugrano ma khlainai, tabuk le aroni manwirokno tei mal-matarokno naui mannai, uklok tẃi khe kamiyungno gerepsana nai di.”

JOSUA 8:4

Tei bo bórokno hai hwnwi dagi kha, “Kamiyungni uklok bwkhak huijagwi tongwi di, aboni kwbáng hakchalo ta tháng di, hapnani tiyar khe tong di.

2 PITOR 3:10

Subraini sal sikhok hai khe se phainai. A Salo nokha gurumsaui kwmaui thángnai, nokhani sal, tal tei athukirirok khamwi tháng bainai, swngchar bai bini aro tongmani bebak’-no kwmaui thángnai.

BUJ THUMNAIROK 9:32

Hakhe tabuk, nwng bai nini bororok horo thángwi panthoro huijagwi ton lai di.