JOSUA 8:2 - Kok Borok (Re-edited) Bible (BSI)

² Jerikono tei aroni habugrano khlaimani haino, nwng Ai tei aroni habugrano ma khlainai, tabuk le aroni manwirokno tei mal-matarokno naui mannai, uklok tẃi khe kamiyungno gerepsana nai di.”

JOSUA 8:2 Iomraidhean Croise

2 BOSONG 13:13

Jeroboam bini baksa sengkrakrokno uklok tẃi kasunani rohor kha teirok khe bwskang dak-dak khe nahar laijak.

2 BOSONG 20:22

Bórok rwchapnani, lobnani cheng khe, Subraiyung Juda bai nang laina phainai Ammon, Moab tei hachuk Seiro mechen kha.

LOBMUNG 39:6

Kubui’-no bororok le sampili hai se kutulwi thángo. Kwrwi kwrwini se bo chiri-mokorok wngo; bórok rochong rwui rúng lai-o, tamo khe sabo ma cháno si ya.

PHRWNGMUNG 13:22

Borok kahamrok khe sukba-sabarokni bagwi rang-rí klangwi thángo tamo khe borok hamyarokni rang-rí khe borok sóirokni banta se khatijago.

PHRWNGMUNG 28:20

Kók narwknai bororok khe kwbángma hamari mannai, tamo khe doui gwnang wngna muchungnairok sátokjak yaui tong glak.

JIRIMIA 17:11

Lam cha ya tẃi rang-rí ajinairok bo buini bẃtẃino koroui bwsa khumpai rwnai hai; kwchar majaro abórok bono yakarwi tháng bai anw; páithago khe bórok butua sijak anw.

JIRIMIA 51:12

Norok Babilonni chokdeualno naharwi kaisa mari tisa di; khom-khom khe naimwthang ton di; huijagwi swprakna bagwi sengkrakno tiyar khlai di. Tamni hwn khe, Subraiyung Babilono tongnairokni bagwi sama hai kheno chabo chap kha tabo tang kha.

UÁINWINI SA PHIMA 2:35

Mal-mata tei aroni sekproma manwirok simi chwng sakni bagwi narwk kha.

UÁINWINI SA PHIMA 20:14

Phiya ba bwrwirokno, chwrairokno tei mal-matarokno, kamiyungo tongma bebak manwirok sakni bagwi segwi nama manwi hwnwi’-no yachak di. Tei Subraiyung norokni Kaitor bai arirokni aroni rwjakmani manwirokno norokni sakni samungo thepaui mano.

UÁINWINI SA PHIMA 3:2

Subraiyung ano hai hwnwi sa kha, ‘Nwng bono ta kiri di, tamni hwn khe ang bono tei bebak bini sengkrakrokno, bini hano nini yago yaphar kha. Nwng Hesbono tongnai Amorsarokni habugra Sihonno khlaima hai bonobo abo tẃi’-no khlai di.’

JOSUA 10:1

Josua Ai kamiyungno mechenwi katswi sokomorwi bo abono Jeriko tei aroni habugrano khlai tẃi’-no aroni habugranobo khlaimani kókrokno Adonisedek khna kha, phiya Gibeono tongnairok Israilsarok bai kók kha laiwi bórok bai kwthaui tong laimani kókroknobo khna khe,

JOSUA 10:28

A salo Josua Makedano sek kha, aroni habugrano rom kha, bo jai kheno kamiyungni bororokno buthar bai kha, khoroksano phano kwthang narwk li ya, Jerikoni habugrano khlaima haino Makedani habugranobo khlai kha.

JOSUA 11:14

Israilrokni bororok o kamiyungni manwi kahamrok, yabrwirok, sak sakni bagwi na lai kha. Tei bororokno khe buthar baiwi, khoroksano bo kwthang narwk lai li ya,

JOSUA 6:21

Hakhe bórok bebak kamiyungo tongmarokno sokomorwi pái lai kha, aroni chwlarok, bwrwirok, okra tei chwrai, musukrok, merarok, korai chirkarokno seng bai khe buthar laiwi pái kha.

JOSUA 8:12

O horo Josua sengkrak khorokbasai rohorwi kamiyungni salthángbai phaising Ai bai Bethel kwcharo huijak rwui ton kha.

JOSUA 8:14

Aini habugra Josuani bororokno nuk khe, bo bai bebak bini bororok dakti khe Jordan harungo Israilrok bai choba nang lainani bagwi nongkhorwi tháng lai kha, phiya ba bo kamiyung uklok tẃi kasujak tongmano saui man ya.

JOSUA 8:19

Bo yak tisaui har khe baksa huijagwi tongnairok dakti bachaui kamiyungo hap laiwi hór phnangwi rw lai kha.

JOSUA 8:24

Israilrok Aini bororokno hasing panthoro riphrigwi aro bórokno bebak buthar bai khe, Ai-o kiphilwi tháng laiwi aro khoroksano phano phiyók ya khe buthar lai kha.

JOSUA 8:3

Hakhe Josua bebak bini sengkrakrok bai Ai-o thángnani tiyar wng lai kha. Josua phan gwnang borok khorok thamchisai saiwi bórokno horni bisingono rohor kha.

JOSUA 8:7

Hakhe norok huijagwi tongmani nongkhorwi phaiwi kamiyungo habwi di, tamni hwn ba Subraiyung nini Kaitor nini yago abono rwnai.

JOSUA 8:8

Kamiyungno na bai khe aro hór phnangwi rw di, Subraiyung sama haino khlai di, omo norokno dagijak kha.

JOSUA 8:9

Hakhe Josua bórokno rohor bai kha, hakhe bórok huijak thai-o tháng lai bai kha, Aini salthángbai phaising Bethel bai Aini kwcharo tong lai kha, tamo khe Josua khe horo bororok bai’-no bathamo tong rwk kha.

JOSUA 9:3

Gibeono tongnairok Josua Jeriko bai Aino tamo khlai kha abono khna kha.