JOSUA 3:10 - Kok Borok (Re-edited) Bible (BSI)

¹⁰ Hakhe Josua hai hwnwi sa kha, “Kaitor norokni bisingo tongo hwnwi saui man anw tei norok khoroksa kwrwi tẃi khe norokni bwskangni Kananrokno, Hitisarokno, Hibisarokno, Peressarokno Girgassarokno, Amorsarokno tei Jebussarokno rwkhlai rohornai.

JOSUA 3:10 Iomraidhean Croise

UÁINWINI SA PHIMA 7:1

“Norokni Subraiyung Kaitor norok habwi nana naiwi tongmani a ha-o norokno tubu-ui phai phuru khe aphuru nini bwskangni kwbángma dopharokno rwkhlaiwi rohor bainai, Hitisarokno, Girgassarokno, Kanansarokno, Peressarokno, Hibisa tei Jebussarokno rwkhlai rohor kha, o kaisni dopharok norokni slái kwbo kwbáng tei phanbo gwnang gwja,

LAM RWMA 33:2

Ang nono chubana bagwi suari khoroksano norokni swkang swkang rohornai tei ang Kanansa, Amorsa, Hitisa, Peressa, Hibisa tei Jebussarokno rwkhlainai.

HIBRU 10:31

Kaitor kwthangni yago klainai abo kirimasingcha kók se!

1 SAMUEL 17:26

Hakhe Daud bini gana-o tongnai borokno hai hwnwi sẃng kha, “O Philistiasano butharwi Israilrokni mwkhang sókjakmani yakni phiyóknai borokno tamo khlaijaknai? Tei o sakur rajak ya Philistiasa bo sabo ba kwthang Kaitorni sengkrakrokno sak nangjak ya khe kók sa trwngwi tong?”

JIRIMIA 10:10

Phiya Subraiyung le kubui Kaitor; bo wng kha kwthang Kaitor tei mol brúmni bubagra. Bo jolima bai bangla phai-o, bini jolimano dopharok soiwi man ya.

2 HABUGRA 19:4

Omo hai wng khna Asiriyani habugra bini borok Rabsakeno rohorwi Kaitor kwthangno mwkhang sókna rohor kha; tei Subraiyung nini Kaitor abo tẃi mwkhang sókmarokno khna thung tei abo sanairokno sátok thung. Abo baino nwng karwi klangjak bororokni bagwi suri di.”

JOSUA 22:31

Phiya Eliasarni bwsla ochai Phinehas Ruben, Gad tei Manaseno hai hwnwi sa kha, “Tabuk Subraiyung chwng bai pal tongo hwnwi saui man kha, tamni hwn khe norok Subraiyungno kebengwi cha ya khlai li ya: hakhe nwng Israilrokno Subraiyungni yakni phiyók kha.”

UÁINWINI SA PHIMA 31:17

Hakhe ang a salo bórokno jolinai tei bórokno khibinai, bórokni aroni ani mwkhangno huinai tei bórok monokjak bainai, bórokni saka-o juda juda digi-sigi sók phainai; aphuru bórok hai hwnwi sa lai anw, ‘Subraiyung chini bisingo kwrwini bagwi se omo hai wngo hai ya diba?’

LAM RWMA 3:8

Ang bórokno ha Ijipni bororokni yakni phiyókna bagwi ongkhorwi phai kha. Tei a hani tikhlaiwi kaham tei kuaro, dut tei piya bwtwi kochokjak ha-o tlangnai. Kanansarok, Hitisarok, Amorsarok Peressarok, Hibisarok tei Jebussarokni ha-o tlangnai.

1 THESALONIKI 1:9

Chwng norokni aro tháng phuru norok chwngno bahai khe yachak sók kha, phiya kubo kubui kwbo kwthang Kaitorni seleng khati twtwi chuknohani phainai hwnmani bini Sajlano naisingwi tongna bagwi norok bahai khe takjak mwtairokno yakarwi Kaitorni thani phai kha o kókno a bororok saui ma tongo. Bini a Sajla wng kha Jisu, bo Kaitor bai kwthwini mwthangwi tisajak kha, Kaitor jolijagwi yagul suna hwnmani yakni bo chwngno phiyók kha.

HOSEA 1:10

Israilrok twijlangni hasing hai bángnai, abo rwtauibo man ya lekhauibo man ya; hai phano nwng ani borok ya, hwnwi sajak phano bórok Kaitor kwthangni bwsa hwnjaknai.

LOBMUNG 9:16

Subraiyung sakno sini rw kha, bo buj thumna samung khlai kha; borok hamyarokno bórok tangmani samung hamya bai khe khẃi-o kwcha rwnai. Higaion. Sela

UÁINWINI SA PHIMA 5:26

Tamni hwn ba bahan bwthẃi gwnangrokni bere sabo tong, chwng hai hórjlai bising tẃi kwthang Kaitorni khorang khna kha tei tabukbo kwthang tong kho?

MATHAI 16:16

“Nwng Masia, Kaitor kwthangni Sajla,” hwnwi Simon Pitor sa kha.

JISAIA 7:14

Aboni bagwi Subraiyung sakphang’-no norokno mari kaisa rw anw. Nai di, bwrwi sikla khoroksa sakderiya wngnai tei bwsa chwla khoroksa bá anw tei bini bumung ‘Imanuel’ hwnwi pharjaknai.

1 HABUGRA 22:28

Tamo khe Mikaia hai hwnwi sa kha, “Nwng kaham kwrwng khe kiphil khe Subraiyung ani bising tẃi kók sa ya kho!” tei bo hai hwnwi sa kha, “Bebakno kaham khe sajakma kókno kaichom di!”

JOSUA 21:45

Subraiyung aswk kwbángma Israilrokni bagwi swmai tangmani tháisa phano ha-o klai li ya. Bebakno nang bai kha.

LAM RWMA 17:7

Hakhe bo abono Masa tei Meriba hwnwi mung phar kha, tamni hwn ba Israilni bwsarok Subraiyungno, “Subraiyung chini bisingo to de tong kwrwi?” hwnwi amjogwi nai lai kha tei kók báng lai kha.

JOHON 6:69

Hakhe nwng’-no Khristo, Kaitor kwthangni Sajla hwnwi chwng katswi sauibo man kha tei poitobo khlai kha.”

UÁINWINI SA PHIMA 7:21

Aboni bagwi nwng a bororokno ta kiri di. Subraiyung Kaitor norok bai tongo. Bo wng kha kotor tei kirimasingcha Kaitor.

JOSUA 3:9

Hakhe Josua Israilni bororokno, “Oro phai di tei norokni Subraiyung Kaitorni kókrokno khna phai di,” hwnwi sa kha.

JOSUA 9:1

Hakhe bebak habugrarok Jordanni saltháng bai phaisingni hathái-o tei hathái yaphango tongnairok tei ha kwcharni twijlang rukungni hani simi Lebanon jora tong bainai Hitisarok, Amorrok, Kanansarok, Peressarok, Hibisarok tei Jebusrok Israilrok kwplai wngma kókno khna bai kha.

1 SAMUEL 26:6

Hakhe Daud Hitisa Ahimelek bai Joabni takhuk Jeruiani bwsla Abisaino, “Norokni bere sabo ang bai Sol tongmani bathamo thángnai?” Hwnwi sẃng kha. Abisai, “Ang nwng bai thángnai,” hwnwi sa kha.

LOBMUNG 42:2

Ani phola Kaitorno kango, kwthang Kaitorno kango. ang buphuru Kaitorni bwskango sók phaiwi bini mwkhangno nuknai?

YAPHANG 15:21

Amorsasongni, Kanansasongni, Girgassasongni tei Jebussasongni ha.”

LEKHAMUNG 13:29

Salgrabai bwkhago khe Amalekrok tong bai-o tei hatháini kamirogo khe Hitirok, Jebusrok tei Amorni bororok tong bai-o tei Kananrok khe twijlangni samo Jordanni rukungo tong bai-o.”

JOSUA 11:3

Bo teibo Jordanni salka tei saltháng bwkhak tongnai Kananrok, Amorrok, Hitisarok, Peressarok tei Mijpa hani Harmon hachuk yaphango tong bainai Hibisarokno sa hór kha.

JOSUA 12:8

Hatháirokni ha, harungo tei Jordanni hapharo, halap, hasing haphar tei salsibai-o Hitirok, Amorrok, Kananrok, Peressarok, Hibi tei Jebusrokni ha;

JOSUA 24:11

Aphuru norok Jordan bárwi Jeriko phai kha tei Jerikoni bororok norok bai choba nang lai kha, abo hai khe Amorsarok, Peressarok, Kanansarok, Hitisarok, Girgassarok, Hibisarok, Jebussarokbo nang lai kha. Ang bórok bebakno norokni yago yaphar bai kha.

1 BOSONG 1:14

tei Jebussarok, Amorsarok, Girgassa,