JOSUA 24:2 - Kok Borok (Re-edited) Bible (BSI)

² Josua bebak bororokno hai hwnwi sa kha, “Subraiyung Israilni Kaitor hai hwnwi sa-o, ‘Agi-o norokni chuchusong Abraham bai Nahorni bupha Tera Uphratis twimani ayang naro tong bai’-o tei kubun mwtairokno khulumo.

JOSUA 24:2 Iomraidhean Croise

YAPHANG 11:22

Serugni umor nokha bisi thamchi phuru bo bwsa chwla Nahorno man kha;

YAPHANG 11:24

Nahorni umor nokha bisi nwichichuku phuru, bo bwsa chwla Terano man kha;

YAPHANG 11:26

Terani umor nokha bisi snichi phuru khe bo Abram, Nahor tei Haranni bupha wng kha.

YAPHANG 11:27

Omorok wng kha Terani bosongrok. Tera wng kha Abram, Nahor tei Haranni bupha; tei Haran khe Lotni bupha.

YAPHANG 31:19

Laban khe bini merarokni buikhumu rana bagwi thángo, aphuru khe Rahel buphani núkhungni mwtairokno khok kha.

YAPHANG 31:30

Ang saui mano nwng nwphani hano belai khe khátangjak kha, phiya ba nwng tamo ani nokni mwtairoknoba ma khok lang?”

YAPHANG 31:32

Tamo khe nwng oro tongnairokni bere khoroksa swkni aro nini mwtairokno man khe bono butharwi páijaknai. Oro bebak ani borokrokni bwskango, oro nini mungsa swk da tong nai di, tong khe abono naui pái di.” Tamo khe Rahel Labanni núkhungni mwtairokno khokma khe Jakob saui man ya.

YAPHANG 31:53

Abrahamni Kaitor, Nahorni Kaitor chwng khoroknwino buj thumnai.” Hakhe Jakob bupha Isak khulumma Kaitorni mungwi o swmaino narwknai hwnwi kwrak khe swmai tang kha,

YAPHANG 35:4

Hakhe bórok Jakobni yago bebak buini mwtairokno tei bórokni khunju kanma manwirokno yapharwi rw bai kha; Jakob abórokno Sekem gandarni uk buphang yaphango khe phob bai kha.

1 BOSONG 1:27

tei Abram (bono Abraham).

JISAIA 51:2

Norokni pha Abrahamno, tei norokno bánai Sarani phaising naharwi nai di; tamo khe bo saichung susuk wngwi tong phuru, ang bono ringwi hamari kupulung tei bono kwbángma khlai kha.

ESEKIEL 16:3

tei sa di, Subraiyung Kaitor Jerusalemno hai hwnwi sa-o: Nini yaphang tei achaimani Kanansarokni ha-o se; nini nwpha khe Amorsa tei nwma khe Hitisa.

LUK SWIMANI KOTHOMA KAHAM 3:34

Juda Jakobni, Jakob Isakni, Isak Abrahamni, Abraham Terani, Tera Nahorni,

UÁINWINI SA PHIMA 26:5

“Nwng Subraiyung norokni Kaitorni bwskango o kókno sakhlai di, ‘Ani apha wng kha khoroksa ayang uyang berainai Aramisani bosongni se tongmani, bo borok kisa tlangwi Ijip ha-o ongkhorwi thángmani buini hani borok wngwi tongwi kha tei aro dopha wngwi kha, kotor wng kha, phan gwnang tei mung gwnang wngwi bacha kha.

JOSUA 24:15

Norok Subraiyungno monnani muchung ya khe, sabono monnai tini’-no chong di, norokni chuchusong twima ayang naro khulummano da, eba khe norok tabuk tongmani hani Amorsarokni mwtairokno da, tamo khe ang bai ani núkhung le Subraiyungno se monnai.”