JOSUA 22:5 - Kok Borok (Re-edited) Bible (BSI)

⁵ Tamo khe Subraiyungni seleng Musi dagimarokno tei kerong rwmarokno kaham khe tẃi di, nini Subraiyung Kaitorno hamjak di, bini lama tẃi him di, bini dagimarokno khna di, bo bai tongnani tei bebak nini bwkha rw súgwi uansukma bai bono mon di.”

JOSUA 22:5 Iomraidhean Croise

MATHAI 22:37

Jisu hai hwnwi sa kha, “Nwng nini Kaitor Subraino khá bai khúk bai uansukma bai hamjak súk di.’

LAM RWMA 20:6

Tamo khe ano hamjaknai tei ani kerongrokno tẃinairokno khe ang bosong kusungsara jora hamjago.

RUMSONGNO POL SWIHORMANI 8:28

Chwng saui mano Kaitor bebago’-no bono hamjaknairok bai baksa kahamni bagwi samung khlai-o, bo khá chabwi ringmani a bororok bai baksa kahamni bagwi samung khlai-o.

UÁINWINI SA PHIMA 11:22

Tamni hwn ba tumungno norok Ang o bebak dagimarokno rwmano norok saktharwi abo tẃi khe tong khe Subraiyung norokni Kaitorno hamjak khe, bini bebak lama-o him khe tei bini thani bwkha bera súgwi tong khe,

LAM RWMA 15:26

“Norok sói-sói khe norokni Subraiyung Kaitorni kókno khna khe tei bo chajakma tẃi khlai khe tei bini dagimarokno bwkha rw khe tei bini bebak raidarokno tẃi khe, Ijipsarokno rwmani mungsa-o bemukrokno ang norokno rw glak, tamni hwn khe ang’-no wng kha Hamya ham rwnai Subraiyung.”

JAKOB 1:12

Potalijagwi kwchanai borok bo hamchajak, tamni hwn ba bo potalijagwi kwcha khe Kaitor bono hamjaknairokno rwna hwnwi kók rwmani a langmani motokno man anw.

MATHAI 4:10

Hakhe Jisu hai hwnwi sa kha, “Tháng di Soitan! Elembago o kók tongo, ‘Nini Kaitor Subraino simi se suriui khulum di.’ ”

RUMSONGNO POL SWIHORMANI 12:9

Norok buino hamjak khe sói khe hamjak di. Hamyano seleng di, kahamno romwi tong di.

RUMSONGNO POL SWIHORMANI 1:9

Ang sana naimani abo kubui hwnwi Kaitor saui mano bini Sajlani Kothoma Kahamno pírmani tẃi ang khá bai surimani a Kaitor saui mano. Bo saui mano ang suri san brúm brúm norokni mung khu-ui suri sano. Kaitor muchung khe ba tabuk ulo phano norok bai ano malai rw thung hwnwi ang sanwi tongo.

SAMUNG 27:23

Tamni hwn khe ang surimani ani Kaitorni suari khoroksa thángnai horo ani thani bacha phaiwi

SAMUNG 11:23

Bo aro sógwi Kaitor aswk kaham khlaimano nugwi tongthokjak kha, hakhe “Norok jotono khá rw súgwi Subraini thani kaham khe kwrak khe tong di,” hwnwi hwn kha.

JOHON 14:15

“Norok ano hamjak khe ani kók ma khnanai.

MATHAI 6:24

“Khoroksa phano nokphang khoroknwini seleng wngwi man ya; bo khoroksano naisler khe tei khoroksano hamjaknai, eba khe khoroksano khá súk khe tei khoroksano samung nangjak glak. Nwng Kaitorni seleng twtwi rang-ríni seleng wngwi man ya.

JISAIA 55:2

Tamni bagwi norok sói chámung yani bagwi ba rangrokno swbai, khá kochomma kwrwi abo tẃirokni bagwi, tamni phan khibiui samung tangwi tong? Khir khir khe ani kókno khna di; kaham kuk chámungno chá di. a chámung kaham cháui nini khá kochom rw di.

LOBMUNG 106:3

Bujsói tẃinai bororok hamchajak, bórok samung kaham máng khlainairok.

UÁINWINI SA PHIMA 11:13

“Hakhe ang tini norokno dagimarokno khir khir khlaiwi khna khe norokni bebak bwkha bai uansukma bai Subraiyung norokni Kaitorno hamjagwi bono mon khe,

UÁINWINI SA PHIMA 11:1

“Norok Subraiyung norokni Kaitorno hamjak di tei bo naimani tẃi khe raidarokno, kerongrokno tei dagimarokno tẃi phlai máng tong di.

UÁINWINI SA PHIMA 6:17

Norok Subraiyung norokni Kaitorni dagima tei bini kerong tei raida rwjakmarokno saktharwi tẃiwi tong di.

JAKOB 2:5

Ani khájani takhukrok, khna di. Kaitor o swngcharni kwrwirokno poito kwrak wngna bagwi, phiya bono hamjaknairokno rwna hwnwi kók rwmani a Ha-o tonna bagwi chong kha.

HIBRU 12:15

Kaitor bai khairokjaknani keple ya tẃi khe hus wng bai di. Buphang kwkha hai wng ya tẃi khe hus wng bai di, omo tẃi buphang torwi bini kháma bai buini hamya khlai-o.

JOHON 12:26

Ani samung khlaina muchungnai borok bo ani logi phai thung, hakhe ang tong thani ani selengbo ang bai baksa tongwi man anw. Aphabo ani samung khlainaino bóri anw.”

PHRWNGMUNG 4:23

Nini bwkhano se bebakni slái naiwi mwrwk di, tamni hwn ba aroni se nini langmani twimukrok yor khlai-o.

1 SAMUEL 12:24

Subraiyungno kiriui norokni khá bai sói khe bono mon lai di, bo norokni bagwi samung kotor tangmano muitu khlai di.

1 SAMUEL 12:20

Samuel bororokno, “Ta kiri di, norok hamya khlai phano Subraiyungno ta yakar di, bono norokni khá bai’-no mon lai di,” hwnwi sa kha.

1 SAMUEL 7:3

Hakhe Samuel Israilni bebak bororokno hai hwnwi sa kha, “Norok Subraiyungni thani bebak khá nangwi kiphil khe Astartes mwtairok tei bebak buini hani mwtairokno khibiui rohor bai di, norokni bwkha Subraiyungni thani ton di, Bono simi mon di, hakhe bo norokno Philistiasarokni yakni phiyóknai.”

JOSUA 23:8

Tabukni hai kheno Subraiyungni thani se kwphaui tong di.

UÁINWINI SA PHIMA 13:4

Norok Subraiyung norokni Kaitorni yaprino rwk di tei bono kiriui tong di, bini dagimarokno tẃi tong di; tei bini khorangno khna di, bono mon di tei bini thani bwkha bera súk di.

UÁINWINI SA PHIMA 10:20

Nwng Subraiyung nini Kaitorno kiriui tong di tei bono monwi tong di. Tei bono kwrak khe romwi tong di, bini bumung bai simi se swmai tang di.

UÁINWINI SA PHIMA 4:9

“Hus simi wng di, tei nini mokol baithang bai nukmarokno pok ya tẃi khe naichomwi tong di, thangsungo nini bwkhani norjak ya tẃi khe tong di. Omorokno nwng nini bwsa busukrokno phrwng di.

UÁINWINI SA PHIMA 4:6

Aboni bagwi abórokno bebakno khir khir khe tẃiwi tong di, hakhe kubun dopharokni thani norok bwswk sinai gwja abono phunuknai. Borok o kerongrokno khna khe, ‘O dopharok kotorrok kubuino si-o tei kwrwng gwja!’ hwnwi ma sa anw.

UÁINWINI SA PHIMA 4:4

Phiya ba, norokni bere Subraiyung norokni Kaitorni thani kwrak khe tongnairok tabuk bo kwthang tong bai kho.

JIRIMIA 12:16

Bórok salsa ani bororokno mwtai Balni mungwi swmai tangna phrwng phano tumung bórok ani bororokni tongmung tẃi tongna srwng khe tei “Kwthang Kaitor tongwi tongo” hwnwi ani mungwi swmai tang khe hakhe bórok ani bororokni bisingo hamari mannai.

PHUNUKJAKMANI 15:3

Bórok Kaitorni seleng Musini rwchapmung tei Mera bwsani rwchapmung, hai hwnwi rwchap laijak, “O Subrai Kwplaisa Kaitor, nini samungrok bwswk kotor, bwswk uanamasingcha! O bebak dophani Bugra, nini lama bwswk kepleng, bwswk kubui!

LAM RWMA 23:25

Ang norokni Subraiyung Kaitorno mon di, ang norokno mai, twi rwui hamari rwnai tei norokni kulum kwsarokno naui páinai.

UÁINWINI SA PHIMA 4:29

Phiya ba, aro-o tongwino norok Subraiyung norokni Kaitorno naituknai, tumungno norokni bwkha rw súgwi tei kubui khe naituk khe bono mannai.

UÁINWINI SA PHIMA 5:10

phiya ba ano hamjaknai tei ani kók tẃiwi tongnairokno, ang bórokno kusungsai bosong jora khairogo.

LOBMUNG 78:7

hakhe bórok Kaitorno khatungwi mannai tei Kaitorni samungrokno pok yaui bini dagimungrokno narwgwi manna tẃi;

LAM RWMA 23:13

“Norok ang samani bebakno khna di. Tei kubun mwtairokni mung ta na di; bórokni mungrokno norokni khukni ta khna thung.”