JOSUA 2:3 - Kok Borok (Re-edited) Bible (BSI)

³ Hakhe Jerikoni habugra Rahabno nini thani phainai bororokno tikhlai tubu di, bórok o hano naichomnani se phai-o, hwnwi sa hor kha.”

JOSUA 2:3 Iomraidhean Croise

YAPHANG 38:24

Taltham lái twtwi hwn kheno Juda hai hwnwi sajak kha, “Nahamjwk Tamar sak phalnai wng kha; tei abo hai khe tabuk ogo bwsa chu kha.” Hakhe Juda hai hwnwi sa kha, “Bono phataro tikhlai tubu-ui hór bai khe sógwi pái di.”

YAPHANG 42:31

Chwng naichomnai ya hwnwi bono sa phi kha, ‘chwng borok kaham se;

2 SAMUEL 10:3

Tamo khe Ammonsarokni tẃiphangrok habugra Hanunno hai hwnwi sa kha, “Nini nwphano bórom khlaimani bai de Daud ba nini thani khá kaham sa horna rohor hwnwi nwng chong?” Daud bini selengrokno kamiyungno naichomnani tei mechen phainani bagwi se rohoro.

2 SAMUEL 17:20

Absalomni selengrok aro nogo phaiwi nokphangjwkno’-no, “Ahimaj bai Jonathan biyang?” hwnwi sẃng phai kha. Nokphangjwk bórokno, “Bórok twisa tẃi bárwi tháng kha,” hwnwi sa kha. Bororok bórokno naituk laiwi man lai li ya hwn khe, Jerusalemo kiphilwi tháng lai kha.

1 BOSONG 19:3

Phiya ba Ammonsarokni tẃiphangrok Hanunno hai hwnwi sa kha, “Nini nwphano bórom khlaimani bai nono khá kaham sanani phai-o hwnwi de nwng ma chong? Abo hai ya, bini selengrok phaimani wng kha nini hano kaham khe naichomnani tei ulo nono mechennani bagwi se phai-o.”

JOBNI BIJAP 21:30

Borok hamyarok digi-sigi phai phuru karwi da klangjakno, joliui majra rwma salo yó da yókno?

LEBI 24:14

“A swrainaisano bathamni phataro kariui tubu di tei bo samano khnanairok bini bokhorogo yak bera thung, hakhe Israilni mothani borokrok bono holong khitar thung.

JOHON 19:4

Pilat tei uáisa phataro ongkhorwi lukurokno hai hwnwi sa kha, “Nahar di, bono majra bernani mungsa phano nuk ya hwnwi norokno phunukna bagwi ang bono phataro tubu kha.”

SAMUNG 12:4

Bo Pitorno romwi alongo chop kha, aro sengkrak khorokbrwi khe gut khajak abo tẃi gut kaibrwini yago bono mwrwkna bagwi yapharwi rw kha. Yókma Ter pái khe bono luku bwskango tubunai hwnwi Herod bwkha chabwi tong kha.

SAMUNG 12:6

Herod bono lukuni bwskango tubuna hwnmani swkangni horo Pitor sengkrak khoroknwini kwcharo thu-ui tongmani. Bo sorni dwkhwi twngnwi bai khajak, yang along duglam mwrwknairok bacha laijak.

JOSUA 10:23

Hakhe hakhor phiyogwi Jerusalemni, Hebronni, Jarmutni, Lakhisni tei Eglonni habugrarokno tikhlaiwi

JOSUA 2:2

Jerikoni habugrano hai hwnwi sajak kha, “Nai di, Israilni borok kisa chini hano naichomnani bagwi, oro tini horo phai kha.

JOSUA 2:4

Tamo khe a bwrwi borok khoroknwirokno tlangwi huiwi tonwi hai hwnwi sa kha, “Kubui’-no, kisa swk bororok ani thani phaima le phai kha, hai phano bórok buroni phai ang saui man ya.

BUJ THUMNAIROK 4:20

Bo bwrwino hai hwnwi sa kha, “Duglamo bachaui tong di, khoroksa swk phaiwi oro borok khoroksa da tong hwnwi sẃng phai khe, kwrwi hwnwi sa di.”