JOSUA 2:2 - Kok Borok (Re-edited) Bible (BSI)

² Jerikoni habugrano hai hwnwi sajak kha, “Nai di, Israilni borok kisa chini hano naichomnani bagwi, oro tini horo phai kha.

JOSUA 2:2 Iomraidhean Croise

DANIEL 4:35

Joto ha-o tong bainai bororok bini thani mungsa buya. Bo bini muchung tẃi khe chuknohani suarirok tei ha-o tong bainai bororokno khlai-o. Khoroksa phano bini muchungmano kasu-ui man ya tei tamni abo hai khlai lang hwnwibo sẃngwi man ya.

JISAIA 43:13

Ang’-no Kaitor a salni simi’-no ang’-no bo; tei ani yakni khoroksa phano phiyógwi mannai kwrwi; tei ang samung khlai-o, abono sabo kebengwi mannai tong?”

PHRWNGMUNG 21:30

Mungsa swk elem, simung tei kókchaprok Subraiyungno kebengwi bachasaui man ya.

LOBMUNG 127:1

Subraiyung nok tisa ya khe, tangnaisani samung tangma le ahai’-no chúk ya se. Subraiyung kamiyungno mwrwk ya khe kamiyung mwrwknaisa mwrwkma ahai’-no chúk ya se.

JOSUA 2:1

Nunni bwsla Josua, Sitimni khoroknwi naichomnairokno hai hwnwi saui tepsa khe rohor kha, “Tháng di, o ha bai Jeriko kami kotorno kaham khe naiwi di,” hakhe bórok thángwi Rahab hwnwi baliknaijwkni nogo tongwi lai kha.

JOSUA 2:3

Hakhe Jerikoni habugra Rahabno nini thani phainai bororokno tikhlai tubu di, bórok o hano naichomnani se phai-o, hwnwi sa hor kha.”

BUJ THUMNAIROK 18:2

Hakhe Danni bororok bórokni bisingni khorokba borok saiwi ha nainani bagwi Jora bai Estaolni hai hwnwi saui rohor lai kha, “Thángwi ha nai lai di,” Bórok Ephraimni hathái kami-o phaiwi Mikani nogo tong lai phai kha.