JOSUA 18:3 - Kok Borok (Re-edited) Bible (BSI)

³ Hakhe Josua Israilni bororokno hai hwnwi sa kha, “Subraiyung Kaitor norokni chuchusongno rwmani ha-o thángwi achuk yaui tei bwswk lerwi naising lai tong sinai?

JOSUA 18:3 Iomraidhean Croise

PHRWNGMUNG 10:4

Yak seler khe nwng bigra wngnai, tamo khe yak kwsrang wng khe nwng gwnang khanai.

PHRWNGMUNG 13:4

Selersa manna le belai khe muchungjago hai phano man ya, yang kwsrang khe bini naima tẃi’-no mannai.

PHRWNGMUNG 15:19

Selersani lama-o khe bebago’-no busu bachajak, tamo khe borok sóirokni lama khe lahar milik.

PHRWNGNAINI 9:10

Nwng yago mungsa swk phano samung tangna man khe abono nini bebak phan rwui tang di, tamni hwn ba nwng thángwi tong thani a kwthwirokni ha-o mungsa swk samung, uansukmung, simung tei siyanrok hwnwi kwrwi.

JAPHANIA 3:16

A salo Jerusalemno hai hwnwi sajaknai: “O Siyon ta kiri di; nini yakno ta bel rw di.

MATHAI 20:6

Sal tháng twtwi-o bo bajaro thángwi teibo bororok aro bachaui tong laijak nuk kha. ‘Norok tamo wngwi mungsa phano tang yaui oro sal buthar lai kha sla?’ hwnwi bo sẃng kha.

JOHON 6:27

Sogwi thángnai chámungni bagwi ta tang di, mwthang phlainai chámungni bagwi se tang di. Borokni Sajla se abo tẃi chámung norokno rwnai, tamni hwn khe Bupha Kaitor aboni bagwi se bono mari bu-ui rw-o.”

JOSUA 1:6

Phan rak di tei kiri ya wng di, ang nini chuchusongni thani gosimani hai kheno nwng o bororokno a ha-o tlangwi man anw.

JOSUA 13:1

Tabuk Josua belai khe chakra wng kha tei umor kwbángma wng kha, Subraiyung bono hai hwnwi sa kha, “Nwng belai chakra wng kha, hai phano kwbángma hano najaknai tong kho.

JOSUA 18:2

Israilrokni bisingo bosong songsnirokni bagwi ha banta rwjak ya kho.

JOSUA 18:4

Bosong thwgwi khoroktham saiwi chong di, bórokni bosong thwgwi ang a hano bórokno bagwi rwui manna tẃi khe a hano saka-kháma kaham khe naiwi aboni kókrokno bebakno ano swiwi rw phai thung.

BUJ THUMNAIROK 18:9

Bórok hai hwnwi sa kha, “Phai di, chwng Laisno thángwi na lai anw, abo belai ha kaham nuk kha.” Oro mungsa khlai yaui ta tong lai si di, dakti thángwi na lai sinai.