JOSUA 13:3 - Kok Borok (Re-edited) Bible (BSI)

³ (Sihorni simi abo ha Ijipni bwskango tei salgrabai phaising Ekronni ari jora, abórok Kananrokni hwnjago: Philistiasarokni khorokba habugra Gaja, Asdod, Askelon, Gat tei Ekron) tei Abitsarokbo,

JOSUA 13:3 Iomraidhean Croise

YAPHANG 10:6

Omorok wng kha Hamni bwsarok: Kus, Ijip, Put tei Kanan.

YAPHANG 15:18

A salo Subraiyung Abram bai hai hwnwi saui swmai tang kha, “Nini bosongrokno ang o hano rw-o; Ijipni twimani simi Uphratis twima jorani harok,

1 HABUGRA 8:65

A noktharo Solomon tei Israilni bororok nokha salsni ter khlai kha. Aro borok kwbángma kuthum kha, salsibai hakchal Hamatni tei salgrabaini Ijipni gananibo pai kha.

1 BOSONG 13:5

Hakhe Daud Kiriatjearimni Jerusalemo Kaitorni swmai bokhokno tubunani bagwi bebak Israil bororokno Ijipni ha ari Sihorni Lebohamato thum kha.

JISAIA 23:3

twijlang ayang naro ha Ijibo wngma manwirokno pai-phalni bagwi tei bebak dopharok bai pai thani phal thani kwrwngna bagwi nai-o. Nil twima rukungo wngma bwthái bumukrok kiphilwi tubu phiro.

JIRIMIA 2:18

Tabuk norok Nil twimani twi nungna bagwi ha Ijibo thángwi tamo man kha ba? Eba Uphratisni twi nungna bagwi Asiriya-o thángwi norok tamo man kha?

UÁINWINI SA PHIMA 2:23

Hakhe Abimsong hakchal Gaja kami kwrwngwi tongnairok, Kapthorni Kaphtorimrok, bórokno sokomorwi bórokni tongthai-o tong lai kha.)

JOSUA 13:13

Hai phano Israilni bororok Gesursarok bai Makatrokno rwkhlai li ya, tamo khe Gesursarok bai Makatrok khe Israilrok bai’-no tini jora tong bai kho.

BUJ THUMNAIROK 16:5

Philistiani bugrarok thángwi a bwrwino hai hwnwi saui kha, “Bini phan buro tong, bahai khe chwng bono khaui mechen mannai, bono sẃng di, chwng khorok thwgwi nono chisara rukphaini rang belep rwnai.”

BUJ THUMNAIROK 3:3

Omorok wng kha a bosongrok: Philistiani khorokba bugrarok, bebak Kanansarok, Sidonrok tei Bal-Harmonni simi hakchal Hamatni haplam jora Lebanon hachugo tong bainai Hibisarok.

1 SAMUEL 5:1

Philistiasarok Kaitorni swmai bokhok segwi na kha, bórok abono Ebenejerni Asdodo tlang kha;

1 SAMUEL 5:10

Hakhe bórok Ekrono Kaitorni swmai bokhokno rohor lai phi kha. Ekrono Kaitorni swmai bokhok sók phai khe aroni bororok chirigwi hai hwnwi kap lai kha, “Chwngno butharna bagwi se bórok Israilni Kaitorni swmai bokhokno chini thani tubu lai si-o.”

1 SAMUEL 5:8

Hakhe bórok bebak Philistiani habugrarokno thum laiwi hai hwnwi sa lai kha, “Chwng Israilni Kaitorni swmai bokhokno tamo khlainai?” Bórok hai hwnwi sa lai kha, “Abono Gato tlang si di.” Hakhe bórok Israilni swmai bokhokno Gato tlang lai kha.

1 SAMUEL 6:4

Hakhe bórok, “Chwng bono tamo hili rwui rohornai?” Hwnwi sẃng kha. Bórok hai hwnwi sa kha, “Philistiani habugra bángma swk’-no kaiba kula hai rangchak tei kaiba rangchakni sinjo. Tamni hwn ba norokni aro abo hai khe’-no khorokba habugraroknobo sátok kha.