43 Ekí aldegatoguakna Duweja ekí kaxaldék: —Ekí negagába nogwíñ.
Guatshake Duwejañki sakí zhikbeyañkalduka akualdi na ekí zʉñkaldék: —¿Jinak shi pañ ishkishshixa miñmeyaldatshake, maiñ pañ uldagazhámine shalda mizhikbé? ¿Jinak shi auxaga alduna nazishakí miná?
Ekí Duwe Jesú aldéñ shaxaldixakue na aldeyatoshiñga na kuíbuldu Kapeldahúm aldé. Exaki juldi ajuldunatshake Duweja ekí kaklduká: —¿Ji shi jiúñguldak múldigaba zhiksashiji, zhikbeji naxabinoxá?
Guakna Duwejañki akldukandana zʉñzegatuka zʉnatuñguák ekí zʉñmeyá: —Naski “mitsá zegagá akldé natuabiñsá gualdixa. Gualdinik jiak mitsá zegagá noxaldieñga mokue minatualdixaga nakldá” ¿miñmenuge shalda shi ekí mizhiklduká?
Akna ekí izhgabeyaldá: —Jejié Jesúki ¿Jusé tsukua naldazhé shi na? Ajate, ajabaki nasʉñ katuñkaga naldashá. Ne, ¿sakí shi kaigaki “nas na jékaldaxa zhinik zabinuge nakldakú” negaka na?
Mieldeki Najate nakaxaneja nakuldagakí naldaldiák, nepanal naxaldagazháka. Mieldeki nakuldaxaldiák zʉnake, shuanaldini auxa zegatshak izhgaldakshaldikue.
Naldatshak jiaga, anuñka minekuañki namak najañguakí naldashibiná. Guatshake akbiñgaki Duwejañki kasak zhinikga mieldekuejañki aldéñ “namak nzha” jañguazhékue akualdiñga na, meja aldéñ gexaldixa jiaga akshañga
Akze, Saldiñga netshi Jatejañki aldéñ gauwanauxa akuegaba, ni jiki tuazháka naldazhé naldi na, jika agatsahauxa, aldunaxa zʉñnegatogauxa muetsekuanegaba nogatuka. Aldéñ na atshañkaldauxa dulda agilshakue zʉñgatsé nakldá.
