Juañ 6:14 - Kogi

¹⁴ Guatshak kágubakueja Duwe Jesú aldéñ “me ne” awatuñshaldiamak na janshizhe ajanashaté atú guazhámak ekí atshaté atuñguakna ekí akuaxaldá: —¡E zʉnake namak giemi Jatetshi múldigaba naldiñga zʉxaitshixa kagik naxaldixa akuakldanega ne tiuwi!

Juañ 6:14 Iomraidhean Croise

Mateyu 11:3

—Saldiñga netshi Jateja ezua zʉnekualdal zʉñgakaxaldixa guakldane ne, ¿ma ai shi maldá? ¿Azhi aiki jiaktuakuega shi zʉñgatsá?

Mateyu 21:11

Guake káguba axapa neyatoxekuejañki: —Eñki Duwe Jesú, aldéñki Jatetshi múldigaba naldiñga zʉxaitshixa, kuíbuldu Nasaldé, Galdildeya baxe zalda nakldá —na akuaxá.

Alduka 24:19

Guake kaklduká: —Guatshake ¿sakí zeklde sha? Guñguake akiyayó: —Duwe Jesú Nasaldé zalda sakí agatseklde. Aldéñki Jatetshi múldigaba naldiñga zʉxaitshixa naldi na, Jateja tuwéñ, kágubakueja tuwéñ jiaga niuwi axaldega shizhixa, atemajañ janshizhe ajanashaté atú guazhámak atshixa atune.

Alduka 7:16

Saldiñga ekí atshaté atunekuejañki matshuwi zhe kakzeshi na, Saldiñga netshi Jate akldé akzamakga agazukui ekí akuák: —Jatetshi múldigaba naldiñga zʉxaitshixa ezua akldé akzé zʉñkizhañká guatiuwi. E na Jateja ajíkuañki zʉñgaunexaldixa gaxane nakldá.

Juañ 1:21

Guake mokue agalduká: —Guake, ¿me naldamildaka ne? ¿Jatetshi múldigaba naldiñga zʉxaitshixa nane Eldiyaga shi maldá? Guake ekí kakiyó: —Naski ni e jiaga naldazhúge nzha. Guake: —Ake, ¿Jatetshi múldigaba naldiñga zʉxaitshixa ezua jiaktuañkaldukaga shi maldá? Guake: —Miya. Ai jiaga naldazhúgega nzha.

Juañ 11:27

Guake ekí akiyó: —Akzé. Nají Sáñkalda, naski Saldiñga netshi Jatetshi Asukuá giemi maldé ni majañgukú. Jatejañga zʉnekualdal kagik gaxaldixa guakldanega maldé majañguashakú.

Juañ 2:11

Guatshak Duwe Jesú “me ne” awatuñshaldiamak janshizhe ajanashaté atú guazhámak kasaklde atshaneki Galdildeya baxe kuíbuldu Kanáxa na ekí atshá. Ekí akldé akzé awatuñshatshakna, aldéñ shi kagitixakuañki namak jañgui alduna ishiji izhogapanañkalde.

Juañ 4:19

Ekí nukatshakna munzhija ekí akbeyá: —Duwe, mañki Jatetshi múldigaba naldiñga mazʉxaitshixaga maldé matú ni gukú.

Juañ 4:25

Guake munzhija ekí akbeyá: —Akze, nas nakueki, Mesiya, Jateja zʉnekualdal gaxaldixa guakldaneki naxaldixaga nakué. E na naxaldiniki jika nuk shi zʉñkaldiyaldixa.

Juañ 4:42

Guñguakna munzhik ekí agabeyá: —Kaiga zʉnake ma sakí zʉñmemaldéñ zhinik za namak jañguagába, nauwijí kuxak naldi kaldukatshak míñgaki eñki namak giemi káguba kagik zhekuauxa ikualdal naklde naldiñga ne ni zʉñwashék.

Juañ 6:2

Guatshak kágubakue matshuwi zhikzhe axapa aldeyaldá. Jinake naldakí. Aldéñ “me ne” awatuñshaldiamak na ajanashaté atú guazhámak mulbatá akzekakue iskaitshaté atuñka nalguák.

Juañ 6:26

Agaldukatshak ekí kakiyó: —Namakgaba miñmeyaldikue: Ni maiñga nuxa nas me naugé awatuñshaldikuamak janshizhe ajanashaté atú guazhámak atshaté natumine miñgajienane nak naldiyakí. ¡Egabá yau miñkaunugéñ zhinik naldiyabinukaki mimatuakí shi nakú!

Juañ 6:30

Guñguake mokue agalduká: —Guake, me maldé maldazʉnatuñshaldiamake, ¿ji ajanashaté tu guañkáaldamak atshamildaka ne? Zʉnatuñsha guwá, “namak nzha” majañguakualdiamak.

Juañ 7:40

Guatshak anuñkakueja ekí Duweja guagaté aldukatshakna ekí akuaxaldá: —Eñki Jatetshi múldigaba naldiñga zʉxaitshixa ezua naxaldixa, aiga nzha.

Ajanashatone 7:37

”Nauwibama Mueséjañga na asaná Isayélkuek ekí kakbene: “Saldiñga netshi Jatejañga na mimikenáñ zhinikga ezua najanamé ají múldigaba naldiñga zʉxaitshixaga miñgakaxaldixa niyó.”