Juañ 4:25 - Kogi

²⁵ Guake munzhija ekí akbeyá: —Akze, nas nakueki, Mesiya, Jateja zʉnekualdal gaxaldixa guakldaneki naxaldixaga nakué. E na naxaldiniki jika nuk shi zʉñkaldiyaldixa.

Juañ 4:25 Iomraidhean Croise

Mateyu 1:16

Jakópki Jusé tshate. Juséjañki Maldiya guxane. Maldiyaki Duwe Jesútshi ajaba. Duwe Jesú zʉnake Jatejañga ezua zʉnekualdal gaxaldixa guakldanega nzha.

Mateyu 27:17

Atshak sáñkalda Pildatuja káguba duwá axajuizhaldegatshake ekí kaklduká: —¿Mielde shi miñkibesakue minajañgú? Baldabá azhi Jesú, eñki “Jateja káguba ikualdal gaxane” akuaka.

Mateyu 27:22

Ekí akuaxake sáñkaldaja mokue kaklduká: —Guake, jejié Jesú, “Jateja káguba ikualdal gaxane” akuakáki ¿sakí gualdikue shi minajañgú? Guake saldiñga naldi ekí akiyayó: —¡Eñki kaldixa axaldiya guaxa guwá!

Alduka 2:11

Ai na kaiga Beldéñka, sáñkalda Dabí kukananeñkaga, Jateja ezua minkualdal miñgakaxaldixa guakldane ni kuká, eñki Saldiñga netshi Sáñkalda nakldá.

Juañ 1:49

Guake ekí akbeyá: —Shi maldazʉñkaldixa, mañki Saldiñga netshi Jatetshi Asukuá matiuwi. Mañki nauwisaná Isayéltshi Sáñkalda akaldak akzé matiuwi.

Juañ 4:29

—¡Ezua sigí tuatak guwíñ! ¡Ejañki saldiñga atshanugauxabe ni nakbé! ¡Azhi ega ska Jateja ezua zʉnekualdal gaxaldixa guakldanega naldaka na!

Juañ 4:39

Guatogatshake kuíbulduxa munzhijañki “ezua sigíja saldiñga atshanugauxabe ni nakbé” kakbeyaté aldukañguéñ zhinik na, exa Samaldiaxa zaldakue matshuwi nekueja Duweki zʉnekualdal nakldamak ajañgui alduna iyashane.

Juañ 4:42

Guñguakna munzhik ekí agabeyá: —Kaiga zʉnake ma sakí zʉñmemaldéñ zhinik za namak jañguagába, nauwijí kuxak naldi kaldukatshak míñgaki eñki namak giemi káguba kagik zhekuauxa ikualdal naklde naldiñga ne ni zʉñwashék.