Juañ 4:16 - Kogi

¹⁶ Guake Duweja ekí akbeyá: —Ake, misewá gugate guwá.

Juañ 4:16 Iomraidhean Croise

Juañ 1:42

Ekí akbeñgueniki Duwe Jesúk akuldák. Guake Duweja tuaté noshi ekí axaldék: —Mañki Simóñ, Juañ tsukua maldé. Naldatshak Sepa axamizhoxaldixa nzha. Guatshak Sepaki galdieguke Péguldu.

Juañ 21:17

Guñgueni jiak maikjuizhane ekíga aklduká: —Simóñ, Juañ tsukua, ¿maldajañguamak shi na? Guatshakna Pégulduki maikjuizhane “¿maldajañguamak shi na?” akldukane shalda itshani ekí akiyó: —Nají Sáñkalda, mañki saldiñga mikuegaba nak, majañguge mikualdiñga nogashá. Akbeñguake ekí akbeyá: —Ak zʉnake, nají jubeju jana nekueki numañ nagatuwi makualdí.

Juañ 4:15

Guake munzhija: —Ake, Duwe, ai ni nakáu guwá. Ekíki ni naklduni mokue jai guxal naxalga noshi guanakldegak.

Juañ 4:17

Akbeñguake: —Miya, naski sigí naxaldaldakí nakldá. Guake Duweja akiyó: —Namak, sigí mixaldaldazhámak ni maldakbé.

Juañ 4:18

Akze, jatshiwa mixaldanane naldashá. Ne, kaiga migapakueki misewá naldagálde nakldá. Akna namakga na makuák.

Ebeldeyu 4:13

Akze, Saldiñga netshi Jatejañki aldéñ gauwanauxa akuegaba, ni jiki tuazháka naldazhé naldi na, jika agatsahauxa, aldunaxa zʉñnegatogauxa muetsekuanegaba nogatuka. Aldéñ na atshañkaldauxa dulda agilshakue zʉñgatsé nakldá.

Auxa zexaldixa 2:23

Ekibeñga na, mieldeki e tsukua atshakldegamak atshixakue guiyaba tuñshi guaxaldikue. Ai zhinik na saldiñga nepanaminekuañ san san mishjuizhaldekakuek ekí miñwashexaldixa: Nas za na muldetua miñzʉziji, aldunaxa miñnegatogauxa, itshanabinogauxa mimatuñkuge. Ekibeñga na, ezua ezuak sakí atshaminauxabé miñkatshaldikue nzha.