Juañ 20:15 - Kogi

¹⁵ Gueni Duweja ekí aklduká: —Nabunzhi, ¿jinak shi ekí mauwabaldók? ¿Me niyabalduka sha? Guatshakna “aldéñki jai jika xalda numañ tuñka nuxa nindá” akldeshiñga ekí akbeyá: —Azhi ma ají abuá uldemalde nake, mashi uldemalde nakbeya guamaldake guxal nenaka nzha.

Juañ 20:15 Iomraidhean Croise

Mateyu 12:34

Akze, takbiki káguba agisalshi mual za atshamakbé na sha atshiji mizhekue ne jiaga, ¿sakí shi múldigaba janshizhe zukuakbinaka na? Jinak ekí miñmeyakí. Káguba aldunaxa sakí akldeka, sakí itshanka naldaldiake, aiga guana múldigabak zukuaxaldixa naldashá.

Mateyu 28:5

Guatshak munzhikueki Jatetshi guaklde uldeñkaja ekí kakbeyá: —Zhe miñzegagába. Maiñki Duwe Jesú kaldixa axaldiya akuaxane niyabinuka minakué.

Malku 16:6

Guakna ekí kakbeyá: —Zhe miñzegagába. Maiñki Duwe Jesú Nasaldéxa zalda kaldixa axaldiya akuaxane niyabinuka. Eñki shuiguenik mokue izhgaté guane nakna jai isʉ́ñ nzha. Akna, ají abuá ashanéñ tu guwíñ.

Alduka 2:44

Anuñka ishkapa aldeyakna “nauwiskuáki zʉñsajañga kágubakue juizhi ne guxá tiuwi” ajañgui atiuwiñ na aldeyá. Ekí aldeñgueni asanákue, apebukue neyatogueñka aldiyatshak jiaga

Alduka 24:5

Ekí atuatshak tiñ tiñ kakzeshi jie ajanashatshak sigíkueja ekí kakbeyá: —¿Jinak shi ezua be nogatuka shuane abegaldi niyabinók?

Juañ 1:38

Kakuñguake Duwe zʉñkizhikbateguenik agapa neyaté zʉnatuñguake, ekí zʉñnuká: —Naldé, ¿ji miñgajuezhé? Zʉñnukañguake: —Aldabí, ¿mashi mizhuka sha? Guatshak “Aldabí” kaxaldegatshak, “Shi maldazʉñkaldixá” guashi.

Juañ 18:4

Guatshak Duwejañki sakí agatsexaldiauxa akualdi na, kakldabixal neñguenik ekí kaklduká: —¿Me shi niyabipán?

Juañ 18:7

Guñguake Duweja mokue kaklduká: —Ne, ¿me shi niyabipán? Guake akiyayó: —Jesú Nasaldéxa zalda na niyañkaldók.

Juañ 20:13

Ekueja aklduká: —Munzhi, ¿jinak shi ekí mauwabaldók? Guñguake kakiyó: —Akze, nají Sáñkaldatshi abuá awaldé guane, ¿mani awaldene skandá?