Juañ 11:26 - Kogi

²⁶ Amak nepanane izhoshiñga izhokshapananugeki ni mitsák shuishiñga shuigazhíta. Ekí mikbeñkugé ¿“namak shakldá” jañguá shi makú?

Juañ 11:26 Iomraidhean Croise

Mateyu 26:53

¿Ekí miksʉ́ñ shi naldaka na? Nas Najate jékaldaxa izhuka agakuañnexaldatshak, ubañga aldéñ guaklde uldeñka izatasá nekue yo nakuál nagakagaka ni matú.

Mateyu 9:28

Guñguenik Duwe juk juldungueni, ai mozhua uba isékue axaldagatshak ekí kaklduká: —¿Maiñ minajañguxáki uba minkukshanakldegamak shi minajañgú? Guake akiyayó: —Akze, amak zʉñkatshamildaka na kabajañgú.

Malku 9:23

Ekí akbeyatshakna Duweja ekí akiyó: —“Agaunekbildaka guashiñki” najañguakue migatsaldakí. Akze, mieldeke nas namak najañgui, alduna nazishaldiák zʉnake, saldiñga kaxatshanakagaba nakldá.

Juañ 10:28

Nasga aldunaxa auxabé kakzukui izhoshiñga kezhokshikuge nak, ni mitsák guiyaba tu za nogakueñka aldeyazhítakue. Aikueki naksuí nukakue nakna ni meja nazikuxa guazhíta niyó.

Juañ 14:10

Naski Najateldi izhokuge jiak Najateki nasldi izhuka ¿namak jañguakí shi maldá? Akbeñgueniki ekí zʉñmeyá: —Akze, nas múldigaba guakugega nasgaba jañguanuge miñmeyazhúge. Najate nasldi izhoxal za nukaga guana, aldéñ jañguamak nas zhinik atshatogashá.

Juañ 4:14

Ne, mieldeke nas ni miñkaunaldikue tuxaminaldixa zʉnake, ni mitsák mokue miñnunapana guazháka. Akze, ai na maiñldiñga ni nañkajéñ jana nañkal za nogéñ zhinik, auxabé miñzukui izhoshiñga mimezhokshaldixa nakldá.

Juañ 5:24

”Namakgaba miñmeyaldikue: Mieldeke Najate nakaxane namak jañgui, nají múldigaba minagipanatshakna abisajañ izhoshiñga izhoxabipanaldixa nakldá. Ekueke guiyaba tuakue miñgatsé axaminaldagazhíta. Aldunaldiñki shuamine jana Jatek agajué za izhoxabinogué, minepanatshakna e na izhoshiñga izhogapanamine.

Juañ 6:47

”Namakgaba miñmeyaldikue: Mieldeki namak najañgui nazipanatshaga na auxabé akzukui izhoshiñga izhokshateñkuge.

Juañ 9:35

Guñgueni Duwe Jesúja ekí agazaxaitshane nukañgueni akzaldatshak ekí aklduká: —¿Ma Jatetshi Asukuága ixagabaldeklde “namak shakldá” jañguá shi makú?

Aldumaxa 8:13

Azhi sha atshindana miñzekája miñsanegamak mizhekualdaldiák zʉnake, shua miñguxá jana, Jatek agajué za mizhekualdataná. Naldatshak Jatetshi Aldunak zhinik na sha atshindana miñzegamak izhoxa majiñga, maja miñgualdiák zʉnake, Jateja izhoshiñga mimezhokshataná nzha.