Juañ 1:39 - Kogi

³⁹ Kakldukajake ekí zʉñkaldék: —Ake, tuatak guwíñ. Zʉñmeñguake amak tual agapa kaldeñguenik, niuwimaldá zhinik e na izhoshi, exaga tuañ zʉnzék.

Juañ 1:39 Iomraidhean Croise

Alduka 24:29

anuñka juizha axakuañnék: —Au tuañ zexaldá guapankaki jai zʉnexabashi maldeyaldí. Guñguake amak kauwizhéñ na abaldiamak kagapa ne.

Juañ 1:38

Kakuñguake Duwe zʉñkizhikbateguenik agapa neyaté zʉnatuñguake, ekí zʉñnuká: —Naldé, ¿ji miñgajuezhé? Zʉñnukañguake: —Aldabí, ¿mashi mizhuka sha? Guatshak “Aldabí” kaxaldegatshak, “Shi maldazʉñkaldixá” guashi.

Juañ 1:40

Guatshak amak Juañja Duwe shalda zʉñmeñguake agapa neyapánañkaldekuañki, ezuañki Andaldé. Eñki Simóñ Péguldutshi aldani

Juañ 1:46

Akbeñguake Natanahélja: —¿Ne, Nasaldéxa zhinik jiaga ezua zauwaka akzʉxaitañga mi guakldék? Guñguake Pildipija: —Egaba tuatak guwá.

Juañ 4:40

Nalguakna kuíbulduxa zhinik axaldagueniki kauwizhéñ na anuñka izhogakue axakuañneguake, amak mutiuwiñ kakizhó.

Juañ 6:37

Akze, Najateja saldiñga najíkue naldaldiamak nagekákueki naziyapanal naxaldaxaldixa. Amak naxaldaxaldixakueki ni mitsák kepanazháldi kaldeñshazháldikue nzha.

Auxa zexaldixa 3:20

¡Tu guwíñ, naski jugátezhak akté minkauldá na nokú! Akna mieldeke nalduka xaldeki juwí nagakpe miñgualdiake, juldunaldikuenik maiñ na ishkabaldeshi zakualdixa nzha.