1 Juañ 5:3 - Kogi

³ Akze, Saldiñga netshi Jate izhgajañguaki ekí ne: Aldéñ atshakue guagamak za atshá. Ai atsha guakue guakaki atsháasa jiba neki naldazhé.

1 Juañ 5:3 Iomraidhean Croise

Mateyu 23:4

Aikueki guiyabaja guagauxabé shizhiyagábaki, zʉxaita amak ajanashaksá zalda shizhiji na, axautshikue amak ashekualdaldiamak nauwa nuxaki gaunegagáldekue. Aiki jika juat guasá akzé ezuaja gukubak uldeyaldiamak ikauwatshak, ni nauwa ai uldeji agaunegazhé jana ajanashixa.

Juañ 14:15

”Maiñ namak minezhgajañguxa minake, sakí atshakue miñmenugamak atshál minoxaldixa.

Juañ 15:10

Nas atshakue miñmenugamak atshál minogatshakna, mimezhgajañguge nagipana, aik agasjanamine za mizhekualdaldixa. Akze, nas jiaga Najateja atshakue nakbenamak atshugéñ zhinik aldéñ nezhgajañguxa agipana, aik agasjana za izhokugamakbe mizhekualdaldixa.

Juañ 15:14

Akze, maiñki atshakue miñmeñkugamak naxatshabinogatshakna, napebu mimezhgajañgugekue naldashibiná.

Aldumaxa 7:12

Guatshak Jateja naldi nauwibamak guiyaba zʉñkabajane nak janshizhe, ni nauwa shane axaldaldazhé. Ekíga na, guiyaba atsha nexaldixaki janshizhe, atshakuamak za zʉñsaneka naldashá.

Aldumaxa 7:22

Akze, aldunaxa abisajañ kukanugéñ zhinik na, Jatetshi guiyaba muldetua naklduni axatshindana nakzeka.

Ebeldeyu 8:10

Akze, ekí axáñ zalda nas na ishkualdi izhoxa saldinaldinik, Isayélkue na abisajañ ishkualdi izhoxa jiúñgulde kagenaldikueki, nas Saldiñga netshi Sáñkaldak ni ekí naldaldixa guakú: Sakí atsha guakue guakugeki ajañguxaldi, kauwijí aldunaxa kakzuñgualdikue. Guatshakna nas Saldiñga netshi Jate, Kauwijate giemi naldaldatshak jiak, kauwizhéñki najíkue giemi aldaldaldixa.

1 Juañ 2:3

Akze, Saldiñga netshi Jateja atshakue guagamak za axatshál nogakualdiák, ai zhinik na aldéñki “me ne” zʉñwashék guane zʉñkualdi izhogakualdixa.

2 Juañ 1:6

Guatshak Jate izhgajañguakueki jalde ne: Aldéñ atsha guakue guagamak atshiji izhoxa. Akze, atsha guakue zʉñmeneki ataba atabañ ajañgui izhoxal nogakue. Eñki kasak Duwe mipanatshak zhinik nukapanaminega naldashá.