Romaned 6:9 - Bibl Koad 21: Ar Bibl e Brezhoneg evit ar Vretoned

⁹ o c’houzout penaos Krist adsavet a-douez ar re varv ne varvo ken. Ar marv n’en deus ken galloud warnañ.

Testamant Nevez 1897 (Jenkins)

⁹ o c’houzout penaos ar C’hrist, o veza savet euz a‐douez ar re varo, na varv mui, ha penaos ar maro n’hen deuz ken a c’halloud varnezhan.

Romaned 6:9 Iomraidhean Croise

Romaned 5:14

Koulskoude ar marv en deus renet adalek Adam betek Moizez, zoken war ar re n’o doa ket pec’het dre un disentidigezh heñvel ouzh hini Adam, eñ a oa skeudenn an hini a dlee dont.

Romaned 6:10

Rak o vervel, eo marvet ur wech hepken evit ar pec’hed, met o vevañ, e vev evit Doue.

Romaned 6:14

Rak ar pec’hed n’en devo ken galloud warnoc’h, dre ma n’emaoc’h ket dindan al lezenn met dindan ar c’hras.

Romaned 6:4

Sebeliet omp bet eta gantañ dre ar vadeziant en e varv, evit, evel ma’z eo Krist adsavet a-douez ar re varv dre c’hloar an Tad, ma kerzhimp-ni ivez en hevelep doare e nevezded a vuhez.

Hebreed 7:16

a zo bet lakaet en e garg nann hervez ul lezenn eus ur gourc’hemenn kigel met hervez galloud ur vuhez peurbadus,

Hebreed 7:25

Dre-se e c’hell salviñ ervat ar re a dosta ouzh Doue drezañ, pa’z eo bev bepred evit erbediñ evito.

Apocalyps 1:18

an hini a zo bev. Bet on marv, ha setu, ez on bev e kantvedoù ar c’hantvedoù. Amen. Me am eus alc’houezioù lec’h ar marv hag ar marv.