Niveroù 27:4 - Bibl Koad 21: Ar Bibl e Brezhoneg evit ar Vretoned

⁴ Perak e vefe lamet anv hon tad a-douez e diegezh dre ma n'en deus bet mab ebet? Ro deomp un dalc'h e-touez breudeur hon tad.

Niveroù 27:4 Iomraidhean Croise

Salmoù 109:13

Ra vo e lignez lamet kuit, ra steuzio e anv gant ar rummad da zont!

Ermaeziadeg 32:11

Moizez a bedas an AOTROU e Zoue hag a lavaras: Perak, AOTROU , da fulor a zeufe d'en em danañ a-enep da bobl ac'h eus lakaet da zont kuit eus bro Ejipt gant ur galloud bras ha gant un dorn nerzhus?

Krennlavarioù 13:9

Sklêrijenn an dud reizh a laouena, met lamp ar re zrouk a vougo.

Niveroù 27:3

Hon tad a zo marvet er gouelec'h, ne oa ket e bodadeg ar re en em savas a-enep an AOTROU, e bodadeg Kora, met marvet eo en abeg d'e bec'hed, ha n'en doa mab ebet.

Niveroù 27:5

Moizez a ginnigas o c'haoz dirak an AOTROU.

Jozue 17:4

Dont a rejont dirak Eleazar an aberzhour, dirak Jozue mab Nun ha dirak ar briñsed, o lavarout: An AOTROU en deus gourc'hemennet da Voizez reiñ deomp un hêrezh e-touez hor breudeur. Hag e voe roet dezho, hervez gourc'hemenn an AOTROU , un hêrezh e-touez breudeur o zad.