Mazhev 5:7 - Bibl Koad 21: Ar Bibl e Brezhoneg evit ar Vretoned

⁷ Eürus ar re drugarezus, rak trugarez a gavint!

Testamant Nevez 1897 (Jenkins)

⁷ Eürus ar re drugarezus; rag int a gavo trugarez.

Aviel revé St. Maheu troeit é Brehonec Guénet 1858

⁷ Eurus er ré trugarehus, rac ind e gavou trugaré.

Mazhev 5:7 Iomraidhean Croise

2 Samuel 17:28

a zegasas gweleoù, kibelloù, listri douar, gwinizh, heiz, bleud, greun rostet, fav, piz-rous, boued all rostet,

2 Samuel 22:26

Gant an hini a zo mat ez out mat, gant an hini a zo eeun e rez dezhañ hervez e eeunder,

Salmoù 112:4

Ar sklêrijenn a sav en deñvalijenn evit an den eeun; truezus eo, trugarezus ha reizh.

Salmoù 112:9

Skuilhet en deus, roet en deus d'ar beorien, e reizhder a bad da viken hag e benn a sav gant gloar.

Salmoù 18:25

Neuze an AOTROU en deus rentet din hervez va reizhder, hervez purentez va daouarn dirak e zaoulagad.

Salmoù 37:26

Bemdez en deus truez hag e prest, hag e lignez a zo benniget.

Krennlavarioù 11:17

An den madoberus a ra vat dezhañ e-unan, met an hini garv a drubuilh e gig e-unan.

Krennlavarioù 11:25

A hini a vo madoberus en devo e walc'h, hag an hini a zoura a vo douraet.

Krennlavarioù 14:21

An hini a zispriz e nesañ a ra ur pec'hed, met an hini en deus truez ouzh ar re c'hlac'haret a zo eürus.

Krennlavarioù 19:17

An hini en deus truez ouzh ar paour a brest d'an AOTROU, hag eñ a rento dezhañ e vadober.

Izaia 57:1

An hini reizh a ya da get, ha den ne daol evezh; ar re vat a zo lamet kuit, ha den ne gompren ez eo dilamet an hini reizh dirak an droug.

Daniel 4:27

Abalamour da-se, o roue, ra blijo dit va ali, laka termen da'z pec'hedoù dre ar reizhder ha da'z fallagriezh dre an drugarez e-keñver ar beorien, hag e c'hello bezañ hiraet da verzh.

Ozea 1:6

Koñseviñ a reas c'hoazh hag e c'hanas ur verc'h. An AOTROU a lavaras: Galv e anv Lo-Rukama, rak ne zalc'hin ken da gaout truez ouzh ti Israel, met o lemel a rin holl.

Ozea 2:1

Lavarit d'ho preudeur: Ammi, ha d'ho c'hoarezed: Rukama.

Ozea 2:23

Hag e hadin anezhi evidon en douar. Hag em bo truez ouzh Lo-Rukama, hag e lavarin: Va fobl, da Lo-Ammi. Hag e lavarint din: Va Doue!

Mika 6:8

Disklêriet en deus dit, o den, ar pezh a zo mat, hag ar pezh a c'houlenn an AOTROU diganit, nemet ober ar pezh a zo reizh, karout an drugarez, ha kerzhout izelek gant da Zoue.

Sant Marc 11:25

Ha pa deuot da bediñ, mar hoc’h eus un dra bennak a-enep unan bennak, pardonit, evit ma teuio ivez ho Tad a zo en neñvoù da bardoniñ deoc’h ho tisentidigezh.

Sant Lucas 6:35

Met karit hoc’h enebourien, grit vad ha prestit hep gortoz netra, hag ho kopr a vo bras, ha c’hwi a vo mibien an Uhel-Meurbet, abalamour ma’z eo mat e-keñver ar re zizanaoudek hag ar re fall.

Romaned 11:30

Evel ma’z oc’h bet gwechall disent ouzh Doue, ha ma hoc’h eus bet bremañ trugarez dre o disentidigezh,

1 Korintiz 7:25

Diwar-benn ar gwerc’hezed, n’em eus gourc’hemenn ebet a-berzh an Aotrou, met reiñ a ran un ali evel un den hag en deus bet lod e trugarez an Aotrou evit bezañ feal dezhañ.

2 Korintiz 4:1

Dre-se, o kaout ar ministrerezh-mañ hervez an drugarez a zo bet graet deomp, ne gollomp ket kalon.

Efeziz 4:32

Bezit mat an eil e-keñver egile, madelezhus, o pardoniñ an eil d’egile, evel m’en deus Doue pardonet deoc’h ivez e Krist.

Koloseiz 3:12

Gwiskit eta, evel tud dibabet gant Doue sent ha karet-mat, ur galon a drugarez, a vadelezh, a izelegezh, a zouster, a basianted,

1 Timote 1:13

me hag a oa diagent ur mallozher, un heskiner, un den taer. Met kavet em eus trugarez dre ma raen kement-se dre ziouiziegezh, o vezañ en diskredoni,

1 Timote 1:16

Hag abalamour da gement-mañ eo em eus kavet trugarez: evit ma tiskouezfe Jezuz-Krist da gentañ ennon e hirbasianted, hag evit servijout da skouer d’ar re a gredo ennañ evit ar vuhez peurbadus.

Hebreed 4:16

Tostaomp eta gant fiziañs ouzh tron ar c’hras, evit kaout trugarez ha kavout gras, hag evit bezañ sikouret en amzer dereat.

Hebreed 6:10

Rak Doue n’eo ket direizh evit ankounac’haat hoc’h oberoù ha labour ho karantez hoc’h eus diskouezet evit e anv, o vezañ sikouret hag o sikour c’hoazh ar sent.

S. Jakes 2:13

rak ar varn a zo hep trugarez evit an hini n’en deus ket bet trugarezus. Met an drugarez a sav dreist ar varn.

S. Jakes 3:17

Ar furnez eus an nec’h a zo da gentañ glan, goude peoc’hiek, habask, poellek, leun a drugarez hag a frouezh mat, hep ober van eus diaveazioù hag hep pilpouzerezh.

1 Pêr 2:10

c’hwi ha ne oac’h ket gwechall ur bobl met a zo bremañ pobl Doue, c’hwi ha n’ho poa ket kavet trugarez met hoc’h eus kavet bremañ trugarez.