Mazhev 28:20 - Bibl Koad 21: Ar Bibl e Brezhoneg evit ar Vretoned

²⁰ hag o teskiñ dezho mirout kement am eus gourc’hemennet deoc’h. Ha setu, emaon ganeoc’h bemdez betek fin ar bed. Amen.

Testamant Nevez 1897 (Jenkins)

²⁰ ha setu, emoun ganeoc’h bemdez bete fin ar bed. Amen!

Aviel revé St. Maheu troeit é Brehonec Guénet 1858

²⁰ Ha desquet tehai miret en ol gourhemenneu e mès reit t’oh. Hag él‐cé ehué on guet‐n‐oh bamdé bet en tu dehuéhan ag er bed.

Mazhev 28:20 Iomraidhean Croise

Geneliezh 39:21

Met an AOTROU a voe gant Jozef, hag ec'h astennas e vadelezh warnañ. Lakaat a reas anezhañ da gavout trugarez dirak daoulagad penn an toull-bac'h.

1 Rouaned 1:36

Benaja mab Jehojada a respontas d'ar roue o lavarout: Amen! Ra c'hourc'hemenno evel-se an AOTROU, Doue ar roue va aotrou.

1 Danevelloù 16:36

Benniget ra vo an AOTROU , Doue Israel, a gantved da gantved, ha ma lavaro an holl bobl: Amen! Meulit an AOTROU!

Salmoù 46:11

Paouezit hag anavezit eo me a zo Doue, me a vo meulet e-touez ar pobloù, me a vo meulet dre an douar holl.

Salmoù 46:7

Ar pobloù a fiñv, ar rouantelezhioù a vrañsell, lakaat a ra e vouezh da vezañ klevet, hag an douar a deuz.

Salmoù 72:19

Benniget ra vo da viken e anv glorius, ra vo an douar holl leuniet gant e c'hloar! Amen! Amen!

Ermaeziadeg 3:12

Hag e lavaras: Me a vo ganit, ha setu amañ evit sin dit eo me a gas ac'hanout: Pa ez po degaset va fobl kuit eus an Ejipt, e servijot Doue war ar menez-mañ.

Ermaeziadeg 8:27

Ni a raio ur veaj a dri devezh er gouelec'h da aberzhiñ d'an AOTROU hon Doue, evel ma lavaro deomp.

Izaia 41:10

Na'z pez ket aon, rak me a zo ganit, na sellez ket nec'het, rak me eo da Zoue; da nerzhañ a rin, da sikour a rin, da zerc'hel a rin gant dorn dehou va reizhder.

Jeremiaz 26:2

Evel-henn e komz AOTROU: En em zalc'h war leurenn ti an AOTROU, ha lavar da holl gêrioù Juda a zeu da stouiñ e ti an AOTROU an holl gomzoù am eus gourc'hemennet dit lavarout dezho; na lam ket ur ger.

Ezekiel 46:10

Ar priñs a yelo e-barzh en o zouez pa'z aint e-barzh. Ha pa'z aint kuit, e yelo ivez.

Mazhev 1:23

Setu, ar werc’hez a vo brazez hag a c’hano ur mab a vo galvet Emanuel, da lavarout eo: Doue ganeomp.

Mazhev 13:49

Evel-se e c’hoarvezo e fin ar bed. An aeled a zeuio hag a zispartio ar re zrouk eus a-douez ar re reizh

Mazhev 18:20

Rak e-lec’h ma ez eus daou pe dri dastumet em anv, emaon eno en o c’hreiz.

Mazhev 24:3

Hag evel ma oa azezet war Venez an Olived, an diskibien a dostaas outañ a-du, o lavarout: Lavar deomp pegoulz e c’hoarvezo an traoù-se, ha pehini e vo ar sin eus da zonedigezh hag eus fin ar bed?

Mazhev 6:13

ha n’hon lez ket da gouezhañ en temptadur, met hon diwall diouzh an droug, rak dit eo ar ren, ar galloud hag ar gloar da viken. Amen.

Sant Marc 16:20

Int a yeas kuit hag a brezegas dre holl, an Aotrou a laboure ganto hag a roe kred d’ar ger dre ar mirakloù a heulie. Amen.

Actou an Ebestel 2:42

Kenderc’hel a raent e kelennerezh an ebestel, er genunvaniezh, e torradur ar bara hag er pedennoù.

Actou an Ebestel 20:27

rak disklêriet em eus deoc’h holl guzul Doue, hep kuzhat netra.

1 Korintiz 11:2

Breudeur, meuliñ a ran ac’hanoc’h abalamour ma hoc’h eus soñj ac’hanon e pep tra ha ma virit va c’helennadurezh evel ma em eus he roet deoc’h.

1 Korintiz 11:23

Rak resevet em eus digant an Aotrou ar pezh am eus ivez kelennet deoc’h, penaos an Aotrou Jezuz, en noz ma oa droukroet, a gemeras bara

1 Korintiz 14:37

Mar kred unan bennak bezañ profed pe speredel, ra anavezo ez eo gourc’hemennoù an Aotrou an traoù a skrivan deoc’h.

Adlezenn 12:32

Mirout a reot an holl draoù a c'hourc'hemennan dit hag e reot diouto, ha ne lakaiot netra ouzhpenn enno ha ne lammot netra diouto.

Adlezenn 5:32

Mirit ar pezh en deus gourc'hemennet an AOTROU ho Toue deoc'h ha grit dioutañ, ne zistroiot nag a-zehou nag a-gleiz.

Koloseiz 1:28

Eñ eo an hini a brezegomp, oc’h aliañ pep den hag o kelenn pep den e pep furnez, evit lakaat pep den da vezañ peurvat e Krist Jezuz.

2 Timote 4:17

Met an Aotrou a zo en em zalc’het tost din hag en deus va c’hreñvaet, ken ma em eus prezeget gant nerzh hag an holl baganed o deus klevet. Ha dieubet on bet eus genoù al leon.

Jozue 1:5

Den ne zalc'ho dirazout e-pad holl zeizioù da vuhez; me a vo ganit evel ma'z on bet gant Moizez, ne zilaoskin ket ac'hanout, ne zilezin ket ac'hanout.

2 Pêr 3:2

evit ma ho po soñj eus ar gerioù a zo bet lavaret diaraok gant ar brofeded santel, hag eus hor gourc’hemenn-ni ebestel an Aotrou ha Salver.

Apocalyps 1:18

an hini a zo bev. Bet on marv, ha setu, ez on bev e kantvedoù ar c’hantvedoù. Amen. Me am eus alc’houezioù lec’h ar marv hag ar marv.

Apocalyps 22:14

Eürus ar re a vir e c’hourc’hemennoù, evit m’o devo lod er wezenn a vuhez hag e c’hellint mont e-barzh kêr dre an dorojoù.