Leviegezh 26:13 - Bibl Koad 21: Ar Bibl e Brezhoneg evit ar Vretoned

¹³ Me eo an AOTROU ho Toue, en deus tennet ac’hanoc’h eus bro Ejipt evit ne vefec’h ken er sklaverezh; torret em eus liammoù ho yev hag ho lakaet da gerzhout sonn.

Leviegezh 26:13 Iomraidhean Croise

Salmoù 116:16

Da bediñ a ran, o AOTROU, rak me a zo da servijer, da servijer mab da vatezh. Dieret ec'h eus va ereoù.

Ermaeziadeg 14:8

An AOTROU a galetaas kalon Faraon, roue an Ejipt, hag ez eas war-lerc'h mibien Israel. Mibien Israel a voe aet kuit gant an dorn uhel.

Ermaeziadeg 20:2

Me eo an AOTROU da Zoue, en deus tennet ac'hanout eus bro Ejipt, eus an ti sklavelezh.

Ermaeziadeg 6:7

Me a gemero ac'hanoc'h evit va fobl, hag e vin ho Toue, hag ec'h anavezot ez on an AOTROU ho Toue, an hini a denn ac’hanoc’h a-zindan bec'hioù an Ejipsianed.

Izaia 51:23

rak en lakain e dorn da waskerien, ar re a lavare da'z ene: Pleg evit ma tremenimp! Neuze e raes eus da gein evel un douar, evel ur straed evit an dremenidi.

Izaia 9:3

Rak torret ec'h eus ar yev a boueze warno, hag ar vazh a skoe gant o divskoaz, gwialenn o gwasker, evel en deiz Madian.

Jeremiaz 2:20

Dre ma ec'h eus abaoe pell torret da yev ha dispennet da ereoù, lavaret ec'h eus: Ne vin ken er sklavelezh! Met war bep krec'hienn uhel ha dindan pep gwezenn c'hlas ec'h eus stouet evel ur c'hast.

Jeremiaz 28:2

Evel-henn e komz AOTROU an armeoù, Doue Israel: Torret em eus yev roue Babilon.

Jeremiaz 28:4

Me a lakaio da zistreiñ d'al lec'h-mañ, eme an AOTROU, Jekonia mab Jojakim roue Juda, gant an holl harluidi Juda a zo aet da Vabilon, rak terriñ a rin yev roue Babilon.

Ezekiel 30:18

E Tapanez e teñvalaio an deiz, pa dorrin yev an Ejipt, ha pa baouezo lorc'h he nerzh. Ur goabrenn he goloio hag he merc'hed a yelo d'ar prizonerezh.

Ezekiel 34:27

Gwez ar parkeier a roio o frouezh, an douar a roio e drevad, hag int a vo e surentez en o bro, hag e ouezint ez on me an AOTROU, pa em bo torret koad o yev hag o dieubet eus dorn ar re a sklavelae anezho.

Ozea 11:4

O zennet em eus gant kerdin denel, gant ereoù a garantez. Bet on evito evel ar re o dije savet ar yev diwar o javedoù, ha kinniget em eus boued dezho.

Leviegezh 25:38

Me eo an AOTROU ho Toue, en deus tennet ac’hanoc’h eus bro Ejipt, evit reiñ deoc’h bro Ganaan ha bezañ ho Toue.

Leviegezh 25:42

Va servijerien ez int, am eus tennet eus bro Ejipt, ha ne vint ket gwerzhet evel ma werzher ur sklavour.

Leviegezh 25:55

Rak din-me eo mibien Israel sklavourien, bez’ ez int va sklavourien am eus tennet eus bro Ejipt. Me eo an AOTROU ho Toue.

Nahum 1:13

Met bremañ e vruzunin ar yev diwarnout, hag e torrin da ereoù.