Krennlavarioù 2:4 - Bibl Koad 21: Ar Bibl e Brezhoneg evit ar Vretoned

⁴ mar goulennez anezhañ evel an arc'hant, ha mar klaskez anezhañ gant evezh evel un teñzor,

Krennlavarioù 2:4 Iomraidhean Croise

Geneliezh 26:32

Erruout a reas en hevelep deiz, ma teuas servijerien Izaak da reiñ keloù dezhañ diwar-benn ar puñs o doa toullet, hag e lavarjont: Kavet hon eus dour.

Levr Job 3:21

d'ar re a c'hortoz ar marv ha ne zeu ket, a glask anezhañ muioc'h eget un teñzor?

Salmoù 119:127

Setu perak e karan da c'hourc'hemennoù, muioc'h eget an aour, muioc'h zoken eget an aour glan.

Salmoù 119:14

Laouenaat a ran en hent eus da destenioù, evel ma vefe ganin holl binvidigezhioù.

Salmoù 119:72

Lezenn da c'henoù a zo priziusoc'h din eget milieroù a bezhioù aour hag arc'hant.

Salmoù 19:10

Doujañs an AOTROU a zo digemmesk, padout a ra da virviken. Barnedigezhioù an AOTROU n'int nemet gwirionez, holl int reizh a-dra-sur.

Krennlavarioù 16:16

Pegen bravoc'h eo degemer furnez eget aour fin! Ha pegen gwelloc'h eo degemer poell eget arc'hant!

Krennlavarioù 2:3

mar galvez ar poell, ha mar savez da vouezh etrezek ar meiz,

Krennlavarioù 23:23

Pren ar wirionez ha na werzh ket anezhi, pren ar furnez, an deskadurezh hag ar poell.

Krennlavarioù 4:7

Ar furnez eo ar penn-kentañ; degemer ar furnez ha, gant kement ec'h eus, degemer ar poell.

Krennlavarioù 8:17

Me a gar ar re am c'har, hag ar re am c'hlask am c'hav.

Ar Prezeger 4:8

Un den a zo e-unan, hep eiler, n'en deus na mab na breur, ha koulskoude n'eus ket a diwezh d'e holl labour; e zaoulagad zoken n'o deus biken o gwalc'h a binvidigezh. Ne lavar ket: Evit piv e labouran hag e laman eurvad digant va ene? Kement-se ivez a zo avel ha labour poanius.

Mazhev 13:44

Rouantelezh an neñvoù a zo c’hoazh heñvel ouzh un teñzor kuzhet en ur park. Pa gav un den anezhañ, en kuzh ha, leun a levenez, ez a da werzhañ kement en deus hag e pren ar park-se.

Mazhev 19:29

Ha piv bennak en devo kuitaet tiez, pe breudeur, pe c’hoarezed, pe tad, pe mamm, pe gwreg, pe bugale, pe douaroù, abalamour da’m anv, a resevo kant kemend all hag en devo ar vuhez peurbadus da hêrezh.

Sant Lucas 16:8

Ar mestr a veulas ar merour disleal-se abalamour m’en doe graet-se gant furnez. Rak bugale ar c’hantved-mañ a zo furoc’h eget bugale ar sklêrijenn e-keñver o rummad o-unan.