Krennlavarioù 1:5 - Bibl Koad 21: Ar Bibl e Brezhoneg evit ar Vretoned

⁵ An den fur a selaouo hag a gresko e ouiziegezh, an den skiantek a zegemero evezhiañs,

Krennlavarioù 1:5 Iomraidhean Croise

2 Danevelloù 25:16

Hag evel ma komze ouzh ar roue, ar roue a lavaras dezhañ: Hag out bet lakaet da guzulier ar roue? En em denn! Perak e vefe skoet warnout? Ar profed en em dennas en ur lavarout: Gouzout a ran en deus divizet Doue da zistrujañ ac'hanout, dre ma ec'h eus graet-se ha ne'c'h eus ket selaouet va ali.

Levr Job 34:10

Setu perak, c'hwi hag hoc'h eus skiant, selaouit ouzhin: Pell diouzh Doue an drougiezh! Pell diouzh an Holl-C'halloudeg an direizhder!

Levr Job 34:16

Ma ec'h eus eta poell, selaou kement-se, ro da skouarn da vouezh va c'homzoù.

Levr Job 34:2

Selaouit va c'homzoù, c'hwi furien! Roit ho skouarn din, c'hwi hag hoc'h eus anaoudegezh!

Levr Job 34:34

An dud boellek a lavaro ganin, kenkoulz ha pep den fur en devo va selaouet:

Krennlavarioù 12:1

An hini a gar ar reizhadenn a gar an anaoudegezh, met an hini a gasa ar gourdrouz a zo diskiant.

Krennlavarioù 14:6

Ar goapaer a glask ar furnez ha ne gav ket anezhi, met evit un den poellek an anaoudegezh a zo aes.

Krennlavarioù 18:15

Kalon an den poellek a zastum anaoudegezh, ha skouarn an hini fur a glask anaoudegezh.

Krennlavarioù 19:25

Mar skoez war ar goapaer, an hini eeun a furaio, ha mar reprenez un den skiantek, e kompreno an anaoudegezh.

Krennlavarioù 21:11

Pa gastizer ar goapaer, an hini eeun a zeu da vezañ fur, ha pa gelenner an den fur, e tegemer anaoudegezh.

Krennlavarioù 8:33

Selaouit ar gelennadurezh evit dont da vezañ fur, ha n'he zaolit ket kuit.

Krennlavarioù 9:8

Na repren ket ur goapaer gant aon na gasafe ac'hanout, repren un den fur hag e karo ac'hanout.

Krennlavarioù 9:9

Ro d'un den fur hag e teuio furoc'h c'hoazh, kelenn un den reizh hag e kresko e gouiziegezh.

Ar Prezeger 9:11

Gwelet em eus c'hoazh dindan an heol n'eo ket ar redadeg evit ar re skañv, nag ar stourm evit ar re greñv, nag ar bara evit ar re fur, nag ar pinvidigezhioù evit ar re boellek, nag ar c'hrad-vat evit ar re ouiziek, rak amzer ha chañs en em gav gant an holl.

1 Korintiz 10:15

Komz a ran deoc’h evel da dud a skiant. Barnit hoc’h-unan ar pezh a lavaran.

Adlezenn 4:6

O mirit ha grit diouto, rak eno e vo ho furnez hag ho skiant dirak daoulagad ar pobloù, a lavaro o klevout an holl reolennoù-se: Ar vroad vras-mañ eo ar bobl hepken a zo fur ha skiantek!