Klemmganoù 3:29 - Bibl Koad 21: Ar Bibl e Brezhoneg evit ar Vretoned

²⁹ Lakaat a ra e c'henoù er poultr, marteze e vo un spi bennak.

Klemmganoù 3:29 Iomraidhean Croise

2 Danevelloù 33:12

Pa voe en enkrez, e c'halvas an AOTROU e Zoue, hag en em izelaas kalz dirak Doue e dadoù.

Levr Job 16:15

Gwriet em eus ur sac'h war va c'hroc'hen, lakaet em eus va fenn er poultr.

Levr Job 40:4

Setu, displed on, petra a respontin dit? Lakaat a rin va dorn war va genoù.

Jeremiaz 31:17

Esperañs ez eus evit da amzer da zont, eme an AOTROU, da vibien a zistroio war o douar.

Ezekiel 16:63

evit ma ez po soñj ha ma vi mezhek. En abeg da'z tismegañs, ne zigori ken da c'henoù pa em bo pardonet dit kement ac'h eus graet, eme an Aotrou AOTROU.

Joel 2:14

Piv a oar ha ne zistroio ket ha n'en devo ket keuz, ha ne lezo ket ur vennozh war e lerc'h, un donezon hag un evadkinnig evit an AOTROU ho Toue?

Jonaz 3:9

Piv a oar hag-eñ n'en devo ket keuz Doue, ha n'en devo ket truez, evit distreiñ diouzh e gounnar entanet, en doare ma ne varvimp ket.

Sofonia 2:3

Klaskit an AOTROU, c'hwi holl tud izel ar vro, c'hwi hag a ra ar pezh a c'hourc'hemenn! Klaskit ar wirionez, klaskit an douster! Marteze e viot lakaet e surentez en deiz kounnar an AOTROU.

Sant Lucas 18:13

Ar publikan, oc’h en em zerc’hel pell, ne gredas ket zoken sevel e zaoulagad d’an neñv, met e skoas war boull e galon o lavarout: O Doue, az pez truez ouzhin-me pec’her!

Romaned 3:19

Hogen gouzout a reomp penaos kement a lavar al lezenn, en lavar d’ar re a zo dindan al lezenn, evit ma vo serret pep genoù ha ma vo ar bed holl lakaet dindan barnedigezh Doue.