Klemmganoù 3:24 - Bibl Koad 21: Ar Bibl e Brezhoneg evit ar Vretoned

²⁴ An AOTROU a zo va lodenn, eme va ene, setu perak em bo esperañs ennañ.

Klemmganoù 3:24 Iomraidhean Croise

1 Danevelloù 5:20

Skoazellet e voent a-enep dezho, hag an Hagareniz hag an holl re a oa ganto a voe lakaet etre o daouarn, rak er brezel e krijont da Zoue; hag e selaouas anezho, dre m'o doa lakaet o fiziañs ennañ.

Levr Job 13:15

Ha pa lazhfe ac'hanon, ennañ em befe esperañs, hag e talc'hfen va hentoù dirazañ.

Levr Job 22:25

An Holl-C'halloudeg a vo da aour, da arc'hant ha da deñzorioù.

Salmoù 119:57

Va lod, o AOTROU, e lavaret em eus, eo mirout da gomzoù.

Salmoù 130:7

Israel, fiz en AOTROU, rak an drugarez a zo e-kichen an AOTROU, hag an dasprenadur a zo fonnus en e gichen.

Salmoù 142:5

Sell ouzh va zu dehou ha gwel! Den ne anavez ac'hanon, pep degemer a vank din, den n'eo chalet gant va ene.

Salmoù 16:5

An AOTROU eo va hêrezh ha va lodenn. Te eo an hini a starta va lodenn.

Salmoù 31:24

Karit an AOTROU, c'hwi holl e re garet-mat! An AOTROU a ziwall ar re leal, met d'ar re a labour gant lorc'h e ro kement o deus dellezet.

Salmoù 33:18

Setu, lagad an AOTROU a zo war ar re a zouj anezhañ, war ar re a zo en gortoz d'e vadelezh,

Salmoù 42:11

Va eskern a zo brevet pa zismegañs va heskinerien ac'hanon, o lavarout bemdez: Pelec'h emañ da Zoue?

Salmoù 42:5

Pa em eus soñj a gement-mañ, e tremenan e eñvor em c'halon: Kerzhout a raen e-kreiz ar bobl, mont a raen en he fenn betek ti va Doue, gant kriadennoù a levenez hag a veuleudi, e-touez un engroez o c'houeliañ.

Salmoù 43:5

Perak ez out trist, va ene, hag e huanadez ennon? Bez en gortoz eus Doue, rak e veuliñ a rin c'hoazh. Eñ eo va silvidigezh ha va Doue.

Salmoù 62:8

E Doue emañ va silvidigezh ha va gloar. Va roc'h nerzhus, va skoazell a zo e Doue.

Salmoù 71:14

Met me a espero atav, hag e veulin ac'hanout muioc'h-muiañ.

Salmoù 73:26

Va c'hig ha va c'halon a zo dinerzh, met Doue eo roc'h va c'halon ha va lod da viken.

Salmoù 84:12

rak an AOTROU Doue a zo un heol hag ur skoed, an AOTROU a ro gras ha gloar, ne zinac'h mad ebet d'ar re a gerzh en eeunded.

Salmoù 94:19

Pa em boa kalz a soñjoù em diabarzh, da frealz en deus laouenaet va ene.

Jeremiaz 10:16

Lodenn Jakob n'eo ket evelto, rak eñ eo en deus graet an holl draoù, hag Israel eo meuriad e hêrezh. AOTROU an armeoù eo e anv.

Jeremiaz 51:19

Lodenn Jakob n'eo ket evelto, rak an Hini en deus doareet pep tra ez eo, Israel eo meuriad e hêrezh, AOTROU an armeoù eo e anv.

Klemmganoù 3:21

Met kement-mañ a eñvorin da'm c'halon, setu perak em bo esperañs:

Mika 7:7

Met me a sello etrezek an AOTROU, fiziout a rin e Doue va silvidigezh. Va Doue am selaouo!

Romaned 15:12

Izaia a lavar ivez: Dont a raio eus Jese ur wrizienn hag a savo da ren war ar broadoù, hag ar broadoù a espero enni.

Adlezenn 18:2

N'o devo ket hêrezh e-touez o breudeur, an AOTROU eo o hêrezh, evel m'en deus lavaret dezho.

1 Pêr 1:21

drezañ e kredit e Doue, eñ hag en deus e adsavet a-douez ar re varv ha roet dezhañ gloar, evit ma vije ho feiz hag hoc’h esperañs e Doue.

1 Samuel 30:6

David a voe en un enkrez bras, rak ar bobl a gomze d'e veinata. Rak an holl bobl o doa an ene leun a c'hwervder, pep hini abalamour d'e vibien ha d'e verc'hed. Met David en em galonekaas en AOTROU e Zoue,