Klemmganoù 2:19 - Bibl Koad 21: Ar Bibl e Brezhoneg evit ar Vretoned

¹⁹ Sav ha garm e-pad an noz, adalek deroù ar beilhadennoù. Skuilh da galon evel dour dirak dremm an Aotrou. Sav da zaouarn evit buhez da vugaligoù a varv gant an naon e kognoù pep straed.

Klemmganoù 2:19 Iomraidhean Croise

Levr Job 3:24

Rak e huanadan a-raok ma tebran, va c'hriadennoù a ruilh evel dour.

Salmoù 119:55

En noz em eus soñj eus da anv, o AOTROU, hag e viran da lezenn.

Salmoù 134:2

Savit ho taouarn etrezek ar santual, ha bennigit an AOTROU!

Salmoù 141:2

Ra zeuio va fedenn dirazout evel ar c'hwezh-vat, ha savadenn va daouarn evel profadenn an abardaez.

Salmoù 142:2

Gant va mouezh e krian d'an AOTROU, gant va mouezh ec'h aspedan an AOTROU.

Salmoù 142:3

Skuilhañ a ran va c'hlemm dirazañ, kontañ a ran va estrenvan dezhañ.

Salmoù 28:2

Selaou mouezh va goulennoù pa grian dit, pa savan va daouarn etrezek da santual.

Salmoù 42:3

Va ene en deus sec'hed eus Doue, eus an Doue bev. Pegoulz ez in hag en em zalc'hin dirak dremm Doue?

Salmoù 42:4

Va daeroù a zo deuet da vara din deiz ha noz, e-pad ma lavarer din hep paouez: Pelec'h emañ da Zoue?

Salmoù 42:8

Un donder a c'halv un donder all gant trouz da lammoù-dour; da holl wagennoù ha da holl donnoù a zo tremenet warnon.

Salmoù 62:8

E Doue emañ va silvidigezh ha va gloar. Va roc'h nerzhus, va skoazell a zo e Doue.

Salmoù 63:4

Rak da vadelezh a zo gwelloc'h eget ar vuhez, va muzelloù a gano da veuleudi.

Izaia 26:9

Va ene a c'hoanta ac'hanout en noz. Em c'hreizon va spered a glask ac'hanout a-vintin, rak pa vez da varnedigezhioù war an douar, tud ar bed a zesk ar reizhder.

Izaia 51:20

Da vibien a zo semplet, gourvezet e korn pep straed, evel un antilopenn tapet en ur roued, bec'hiet gant kounnar an AOTROU, gant rebechoù da Zoue.

Jeremiaz 14:18

Mard an d'ar parkeier, setu tud toullet gant ar c'hleze, mar deuan e kêr, setu tud o vervel gant an naon. Ar profed zoken hag an aberzhour a red dre ar vro, hep anavezout da belec'h ez eont.

Jeremiaz 9:20

Maouezed, selaouit komz an AOTROU, ra zegemero ho skouarn komz e c'henoù, kelennit d'ho merc'hed hirvoudiñ, hag an eil d'eben ober gwerzioù.

Ezekiel 5:10

Tadoù a zebro o mibien en da greiz, ha mibien a zebro o zadoù. Evel-se e rin va barnedigezhioù a-enep dit, hag e stlabezin an nemorant d'an holl avelioù.

Ezekiel 5:16

Pa daolin a-enep dezho biroù marvus an naonegezh evit ho tiskar hag a gasin d'ho tistrujañ, e kreskin an naonegezh warnoc'h, hag e terrin evidoc'h bazh ar bara.

Mika 1:16

En em laka moal ha touz da vlev, en abeg da'z mibien karet-mat. En em laka moal evel an erer, rak ez int harluet pell diouzhit.

Nahum 3:10

Hi ivez a zo aet d'an harlu er sklavelezh, he bugale yaouank a zo bet friket en holl gornioù ar straedoù, taolet e voe ar sord war hec'h uhelidi, hag hec'h holl briñsed a voe ereet gant chadennoù.

Mazhev 14:25

D’ar bedervet beilhadenn eus an noz, Jezuz a zeuas d’o c’havout o kerzhout war ar mor.

Sant Marc 1:35

Da veure, evel ma oa c’hoazh gwall deñval, o vezañ savet, ez eas er-maez hag e teuas en ul lec’h a-du. Hag e pedas eno.

Sant Marc 13:35

Beilhit eta, rak n’ouzoc’h ket pegoulz e teuio mestr an ti, d’an abardaez, da hanternoz, da gan ar c’hilhog pe diouzh ar beure,

Sant Lucas 6:12

En amzer-se, ez eas war ar menez da bediñ hag e tremenas an noz holl o pediñ Doue.

1 Timote 2:8

Me a fell din eta e pedfe an dud e pep lec’h, o sevel daouarn glan hep kounnar hag hep tabut.

Ar Varnerien 7:19

Gedeon hag ar c'hant den a oa gantañ a zeuas da benn ar c'hamp, e deroù beilhadenn an hanternoz. Edont o paouez lakaat ar warded. Seniñ a rejont gant o shofaroù hag e torrjont ar podoù a oa en o daouarn.

1 Samuel 1:15

Anna a respontas o lavarout: Nann va aotrou, me a zo ur vaouez glac'haret en he spered, ne'm eus evet na gwin na boeson, met skuilhet em eus va ene dirak an AOTROU .

1 Samuel 7:6

En em zastum a rejont eta e Mizpa, hag eno e tennjont dour d'e skuilhañ dirak an AOTROU , hag e yunjont en deiz-se, hag e lavarjont: Pec'het hon eus a-enep an AOTROU! Ha Samuel a varnas mibien Israel e Mizpa.