Jozue 23:7 - Bibl Koad 21: Ar Bibl e Brezhoneg evit ar Vretoned

⁷ n'en em veskot ket d'ar vroadoù-se a zo chomet en ho touez, ne reot ket meneg eus anvioù o doueoù, ne lakaiot den da douiñ drezo, ne servijot ket anezho, ne stouot ket dirazo.

Jozue 23:7 Iomraidhean Croise

2 Rouned 17:12

Servijet o doa an idoloù, ha koulskoude an AOTROU en doa lavaret diwar o fenn: Ne reot ket kement-se.

2 Rouned 5:18

Ra fello d'an AOTROU pardoniñ kement-mañ da'z servijer: pa'z aio va mestr da di Rimmon evit stouiñ eno, ha ma en em harpo war va dorn, me a stouo e ti Rimmon. Ra fello d'an AOTROU pardoniñ da'z servijer, pa stouin e ti Rimmon.

2 Danevelloù 7:19

Met mar distroit, mar dilezit va reolennoù ha va gourc'hemennoù am eus lakaet dirazoc'h, ha mard it da servijañ doueoù all ha da stouiñ dirazo,

Salmoù 16:4

Idoloù a re zrouk a gresk, redek a reont war-lerc'h doueoù all. Ne rin ket o skuilherezh gwad, o anvioù ne dremeno ket dre va genoù.

Ermaeziadeg 20:5

ne stoui ket dirazo ha ne serviji ket anezho, rak me eo an AOTROU da Zoue, un Doue gwarizius a gastiz direizhder an tadoù war ar vugale betek an trede hag ar pevare rumm eus ar re a gasa ac'hanon,

Ermaeziadeg 23:13

Lakaat a reot evezh ouzh kement am eus lavaret deoc'h. Ne venegot ket anvioù doueoù estren ha ne vint ket klevet eus ho kenoù.

Ermaeziadeg 23:33

Ne chomint ket ez pro gant aon na lakaint ac'hanout da bec'hiñ a-enep din, rak servijañ a rafes o doueoù ha kement-se a vefe ur stign evidout.

Krennlavarioù 4:14

Na gerzh ket war wenodenn ar re fallakr, ha n'a ket en hent ar re zrouk.

Jeremiaz 12:16

Ha mar deskont hentoù va fobl, mar touont dre va anv: An AOTROU a zo bev! evel m'o deus desket da'm fobl touiñ dre Vaal, e vint savet e-kreiz va fobl.

Jeremiaz 5:7

Perak e pardonin dit? Da vibien o deus va dilezet, hag e touont dre ar pezh n'eo ket doue. Me am eus roet dezho o gwalc'h, hag o deus graet avoultriezh, aet int a-vernioù da di ar c'hast.

Ozea 2:17

Hag e lamin diouzh he genoù anvioù ar Baaloù, ha ne vo ken graet anv anezho.

Sofonia 1:5

hag ar re a stou war an toennoù dirak arme an neñvoù, hag ar re a stou en ur douiñ dre an AOTROU hag en ur douiñ ivez dre o roue,

Niveroù 32:38

Nebo, Baal-Meon, a voe cheñchet o anv, Sibma; hag e rojont anvioù d'ar c'hêrioù a savjont.

Niveroù 33:55

Met ma ne gasot ket kuit dirazoc'h annezidi ar vro, ar re anezho ho po lezet a-zilerc'h a vo spern d'ho taoulagad ha drez d'ho kostezioù, hag e waskint ac'hanoc'h er vro emaoc'h o vont da chom enni.

1 Korintiz 15:33

N’en em dromplit ket, an darempredoù fall a vrein ar gizioù mat.

Efeziz 5:11

n’ho pez lod ebet en oberoù difrouezh an deñvalijenn, met kentoc’h kondaonit anezho.

Adlezenn 10:20

Doujañ a ri an AOTROU da Zoue, hag e serviji anezhañ, hag en em stagi outañ, hag e toui dre e anv.

Adlezenn 6:13

Doujañ a ri an AOTROU da Zoue, hag e serviji anezhañ, hag e toui dre e anv.

Adlezenn 6:14

Ned eot ket war-lerc'h doueoù all, a-douez doueoù ar pobloù a vo en-dro deoc'h,

Jozue 23:12

Ma en em zistroit ha ma en em stagit ouzh an nemorant eus ar vroadoù-se a zo chomet en ho touez, ma en em unanit dre zimezioù dezho, ma en em veskit ganto hag int ganeoc'h,

Jozue 23:8

En em stagañ a reot ouzh an AOTROU ho Toue, evel ma hoc'h eus graet betek hiziv.