Jonaz 1:5 - Bibl Koad 21: Ar Bibl e Brezhoneg evit ar Vretoned

⁵ Ar vartoloded o doe aon, hag e krias pep hini d'e zoue, hag e taoljont er mor traoù a oa el lestr evit he skañvaat. Met Jonaz a oa diskennet e strad al lestr, hag e oa gourvezet o kousket-don eno.

Jonaz 1:5 Iomraidhean Croise

1 Rouaned 18:26

Kemer a rejont ar c'hole a voe roet dezho, hag ec'h aozjont anezhañ, hag e c'halvjont anv Baal adalek ar beure betek kreisteiz, o lavarout: Baal, selaou! Met ne voe mouezh ebet na respont ebet. Hag e lamment en-dro d'an aoter o doa graet.

Levr Job 2:4

Satan a respontas d'an AOTROU o lavarout: Kroc'hen evit kroc'hen! Kement en deus un den a rofe evit e vuhez.

Salmoù 107:25

Komz a reas hag e lakaas ur barr-avel da c'hwezhañ, a savas koummoù ar mor.

Salmoù 148:8

tan ha grizilh, erc'h hag aezhenn, barroù-avel a rit hervez e gomz,

Ar Prezeger 3:6

ur mare evit klask hag ur mare evit lezel da goll, ur mare evit mirout hag ur mare evit teurel kuit,

Izaia 45:20

En em zastumit ha deuit, tostait a-unvan, c'hwi hag a zo en em dennet eus ar broadoù. N'anavezont netra ar re a zoug koad o skeudenn gizellet, hag a gas o fedenn d'un doue na savete ket.

Jeremiaz 2:28

Pelec'h emañ an doueoù ac'h eus graet? Ra savint, mar gellont da saveteiñ en amzer da walleur. Rak da zoueoù, o Juda, a zo ken niverus ha da gêrioù!

Ozea 7:14

Ne griont ket a galon etrezek ennon pa hirvoudont war o gweleoù. En em vodañ a reont evit gwinizh ha gwin, hag e tistroomp diouzhin.

Jonaz 1:14

Neuze e krijont d'an AOTROU o lavarout: AOTROU! N'hor c'has ket da goll en abeg da ene an den-mañ, ha na laka ket warnomp ar gwad didamall. Rak te, AOTROU, te a ra evel ma plij dit.

Jonaz 1:16

Un doujañs vras e-keñver an AOTROU a grogas en dud-mañ, hag e kinnigjont aberzhoù d'an AOTROU hag e rejont gouestloù.

Jonaz 1:6

Neuze ar sturier a dostaas outañ hag a lavaras dezhañ: Perak e kouskez? Sav ha kri da'z Toue! Marteze e soñjo ennomp, ha ned aimp ket da goll.

Mazhev 25:5

Evel ma talee ar pried, e voredjont holl hag e kouskjont.

Mazhev 26:43

Distreiñ a reas hag o c’havas kousket adarre, rak o daoulagad a oa pounneraet.

Mazhev 26:45

Neuze e teuas da gavout e ziskibien hag e lavaras dezho: Kouskit bremañ ha diskuizhit! Setu, an eur a zo tost ha Mab an den a zo droukroet etre daouarn ar bec’herien.

Actou an Ebestel 27:38

P’o doe debret a-walc’h, e skañvajont al lestr o teurel an ed er mor.

Ar Varnerien 16:19

Hi a lakaas anezhañ da gousket war he barlenn, hag e c'halvas un den a douzas ar seizh plezh eus e benn. Kregiñ a reas d'e vestroniañ, hag e nerzh en dilezas.

1 Samuel 24:3

Dont a reas e klozioù deñved, tost ouzh an hent, hag e oa eno ur c'hev. Mont a reas Saül ennañ evit e ezhommoù. David hag e dud a oa e foñs ar c'hev.