Izaia 56:2 - Bibl Koad 21: Ar Bibl e Brezhoneg evit ar Vretoned

² Eürus an den a ra an traoù-se hag ar mab-den en em stag outo, o virout ar sabad hep e zisakrañ, hag o herzel e zaouarn d'ober droug.

Izaia 56:2 Iomraidhean Croise

Nehemia 13:17

Hag e c'hourdrouzis pennoù Juda o lavarout: Pebezh droug a rit, o tisakrañ evel-se deiz ar sabad?

Salmoù 106:3

Eürus ar re a vir ar pezh a zo reizh, a ra e pep amzer ar pezh a zo eeun!

Salmoù 112:1

Meulit an AOTROU! Eürus an den a zouj an AOTROU, hag a gav e blijadur en e c'hourc'hemennoù!

Salmoù 119:101

Distroet em eus va c'hammedoù diouzh pep hent fall, evit mirout da gomz.

Salmoù 128:1

Kanaouenn ar "Maalod". Eürus an den a zouj an AOTROU, hag a gerzh en e hentoù!

Salmoù 34:14

Diwall da deod diouzh an droug, ha da vuzelloù diouzh komzoù touellus.

Salmoù 37:27

Distro diouzh an droug ha gra ar mad, hag e chomi da viken.

Ermaeziadeg 20:10

met ar seizhvet deiz eo sabad an AOTROU da Zoue; ne ri labour ebet, na te, na da vab, na da verc'h, na da servijer, na da vatezh, na da loened, na da ziavaeziad a zo e-barzh da zorojoù,

Ermaeziadeg 20:8

Az pez soñj eus deiz ar sabad evit e santelaat;

Krennlavarioù 14:16

Ar fur a zouj hag a dec'h diouzh an droug, met ar sod a zo rok ha diarvar.

Krennlavarioù 16:17

Hent an dud eeun eo distreiñ diouzh an droug, hag an hini a laka evezh ouzh e hent a vir e ene.

Krennlavarioù 16:6

Dre an drugarez hag ar wirionez an direizhder a vo pardonet, ha dre zoujañs an AOTROU e tistroer diouzh an droug.

Krennlavarioù 4:13

Stag ouzh ar gelennadurezh, na laosk ket anezhi, mir anezhi, rak da vuhez eo.

Krennlavarioù 4:27

na zistro nag a-zehou nag a-gleiz, tenn da droad diouzh an droug.

Ar Prezeger 7:18

Mat eo derc'hel soñj eus kement-mañ ha chom hep tennañ e zorn diouzh kement-se, rak an neb a zouj Doue a ya kuit eus pep tra.

Izaia 56:4

Rak evel-henn e komz an AOTROU: D'ar spazhidi hag a vir va deizioù sabad hag a zibab ar pezh a blij din hag en em stag ouzh va emglev,

Izaia 56:6

Mibien an diavaeziad en em stag ouzh an AOTROU d'e servijout, ha da garout anv an AOTROU evit bezañ e servijerien, ar re holl a vir ar sabad hep e zisakrañ, hag en em stag ouzh va emglev,

Izaia 58:13

Mar dalc'hez da droad e-pad ar sabad, evit tremen hep ober ar pezh a fell dit em deiz santel, mar anvez ar sabad: Va flijadur, deiz santelaet evit an AOTROU, mar enorez anezhañ hep heuliañ da hentoù, hep ober ar pezh a blij dit, hep lavarout traoù aner,

Ezekiel 20:12

Roet em eus dezho ivez va deizioù sabad da vezañ un arouez etrezon-me hag int, evit ma oufent ez on me an AOTROU a santela anezho.

Ezekiel 20:20

Santelait va deizioù sabad, a vint un arouez etrezon-me ha c'hwi, evit ma ouiot ez on me an AOTROU ho Toue.

Leviegezh 19:30

Mirout a reot va deizioù sabad ha doujañ a reot va santual. Me eo an AOTROU.

Sant Lucas 11:28

Met eñ a lavaras: Nann, eürus eo kentoc’h ar re a selaou ger Doue hag a sent outañ!

Sant Lucas 12:43

Eürus ar servijer a vo kavet gant e vestr oc’h ober kement-se pa erruo!

Sant Ian 13:17

Mar gouzoc’h an traoù-se, ez oc’h eürus, gant ma sentot outo.

Romaned 12:9

Ra vo ar garantez hep pilpouzerezh. Kasait an droug hag en em stagit start ouzh ar mad.

Apocalyps 22:14

Eürus ar re a vir e c’hourc’hemennoù, evit m’o devo lod er wezenn a vuhez hag e c’hellint mont e-barzh kêr dre an dorojoù.