Izaia 50:4 - Bibl Koad 21: Ar Bibl e Brezhoneg evit ar Vretoned

⁴ An Aotrou AOTROU en deus roet din un teod a ziskibl, ma c'hellin kennerzhañ dre ar gomz an hini a zo glac'haret. Bep mintin e tihun ac'hanon, e tihun va skouarn, ma selaouin evel un diskibl.

Izaia 50:4 Iomraidhean Croise

Levr Job 4:4

Da gomzoù o deus adsavet ar re a vrañselle, startaet ec'h eus an daoulin a blege.

Salmoù 119:147

Diaraogiñ a ran an deiz hag e krian, hag ez on en gortoz eus da gomz.

Salmoù 143:8

Gra din klevout da vadelezh adalek ar beure, rak e fizian ennout, hag anavezout an hent am eus da gerzhout warnañ, rak savet em eus va ene war-zu ennout.

Salmoù 40:7

Ne gavez plijadur nag en aberzhoù nag er profoù, toullet ec'h eus din va divskouarn, ne c'houlennez na loskaberzh nag aberzh evit ar pec'hed.

Salmoù 45:2

Va c'halon a virvilh evit disklêriañ ur gomz burzhudus. Lavarout a ran: Va oberenn a vo evit ar roue, va zeod a vo evel pluenn ur skrivagner ampart.

Salmoù 5:3

Va Roue ha va Doue, bez evezhius ouzh mouezh va garm, rak te eo a bedan!

Salmoù 88:13

Hag e vo anavezet da vurzhudoù en deñvalijenn, ha da reizhder e douar an ankounac'h?

Krennlavarioù 12:25

Bec'hiet eo an den gant ar glac'har a zo en e galon, met laouenaet eo gant ur gomz vat.

Krennlavarioù 15:23

Laouen eo un den pa respont gant e vuzelloù, ha pegen mat eo ur gomz lavaret e koulz!

Krennlavarioù 25:11

Ur gomz lavaret en amzer dereat a zo evel avaloù aour e paneroù arc'hant.

Izaia 28:19

Kerkent ha ma tremeno e krogo ennoc'h, rak tremen a raio beure goude beure, en deiz hag en noz; hag ar spont hepken a vo he c'hemennadenn.

Izaia 28:9

Da biv e vo kelennet an anaoudegezh? Da biv e vo roet da glevout kentelioù da gompren? Da vugale nevez-dizonet, diframmet diouzh ar vronn?

Izaia 35:5

Neuze daoulagad an dalled a vo digoret, divskouarn ar vouzared a vo distouvet,

Izaia 40:29

Reiñ a ra nerzh d'an hini a zo skuizh, kreskiñ a ra kreñvder an hini dic'halloud.

Izaia 50:10

Piv ac'hanoc'h a zouj an AOTROU? Piv a selaou ouzh mouezh e servijer? An hini a gerzh en deñvalijenn ha n'en deus ket a sklêrijenn, ra fizio en anv an AOTROU, ha ra en em harpo war e Zoue!

Izaia 54:13

Da holl vibien a vo kelennet gant an AOTROU, ha peoc'h da vibien a vo bras.

Izaia 8:16

Golo an testeni-se, siell al lezenn-se e-touez va diskibien.

Jeremiaz 1:9

Hag an AOTROU a astennas e zorn hag a stokas ouzh va genoù. Hag an AOTROU a lavaras din: Setu, lakaet em eus va c'homzoù ez kenoù.

Jeremiaz 31:25

Rak reiñ a rin da evañ d'an ene sec'hedik, hag e roin e walc'h da bep ene glac'haret.

Ezekiel 46:13

Bemdez e kinnigi ul loskaberzh d'an AOTROU, un oan eus ur bloaz, disi. E ginnig a ri bep beure.

Mazhev 11:28

Deuit da’m c’havout, c’hwi holl a zo skuizh ha bec’hiet, ha me ho tiboanio.

Mazhev 13:54

O vezañ deuet en e vro, e kelennas anezho en o sinagogenn, en hevelep doare ma oant souezhet ha ma lavarent: A-belec’h e teu dezhañ ar furnez hag ar mirakloù-se?

Mazhev 22:46

Ha den ne c’hellas respont ur ger dezhañ. Adalek an deiz-se, hini ne gredas mui ober goulenn ebet outañ.

Sant Lucas 21:15

rak me a roio deoc’h ur genoù hag ur furnez na c’hello hoc’h holl enebourien respont netra dezho na stourm outo.

Sant Lucas 4:22

An holl a roas testeni dezhañ hag a voe souezhet eus ar c’homzoù a c’hras a zeue eus e c’henoù, hag e lavarjont: Ha n’eo ket hemañ mab Jozef?

Sant Ian 7:46

Ar serjanted a respontas: Biskoazh den n’en deus komzet evel an den-se.

Adlezenn 18:17

An AOTROU a lavaras: Komzet mat o deus.

Adlezenn 18:18

Me a savo dezho ur profed eveldout a-douez o breudeur, hag e lakain va c'homzoù en e c'henoù, hag e lavaro dezho kement a gemennin dezhañ.