Izaia 41:21 - Bibl Koad 21: Ar Bibl e Brezhoneg evit ar Vretoned

²¹ Tostait da zifenn ho kaoz, eme an AOTROU, diskouezit ho prouennoù, eme roue Jakob.

Izaia 41:21 Iomraidhean Croise

Levr Job 38:3

Gouriz da lounezhi bremañ evel un den kalonek, rak da c'houlennata a rin hag am c'helenni.

Levr Job 31:37

Disklêriañ a rin dezhañ niver va c'hammedoù, tostaat a rin outañ evel ouzh ur priñs.

Izaia 1:18

Deuit ha divizomp! eme an AOTROU. Pa vefe ho pec'hedoù evel ar ruz-moug, e teuint gwenn evel an erc'h, ha pa vefent ruz evel al limestra, e teuint evel gloan.

Izaia 44:6

Evel-henn e komz an AOTROU, Roue Israel hag e zasprener, AOTROU an armeoù: Me eo ar c'hentañ ha me eo an diwezhañ, ha n'eus Doue all ebet estregedon.

Izaia 33:22

Rak an AOTROU eo hor barner, an AOTROU eo hol lezennour, an AOTROU eo hor roue, eñ eo a savetaio ac'hanomp.

Izaia 41:1

Inizi, tavit evit va selaou, ra gemero ar pobloù nerzhoù nevez, ra dostaint ha ra gomzint! Tostaomp a-gevret evit ar varnedigezh.

Izaia 43:9

Ra vo dastumet an holl vroadoù a-gevret, ra vo bodet ar pobloù. Piv en o zouez en deus disklêriet kement-se? Piv en deus lakaet da glevout an traoù tremenet? Ra zegasint o zestoù, ra en em reishaint, ra vint klevet, ra vo lavaret: Ar wirionez eo!

Izaia 43:15

Me eo an AOTROU, ho Sant, krouer Israel, ho Roue.

Izaia 46:10

Me a zisklêr an diwezh adalek ar penn-kentañ, hag an dazont abaoe pell. Me a lavar: Va mennad a zalc'ho, hag e rin kement a fell din.