Izaia 26:14 - Bibl Koad 21: Ar Bibl e Brezhoneg evit ar Vretoned

¹⁴ Marv int ha ne vevint ket ken, aet int da get ha ne savint ket ken, o c'hastizet hag o distrujet ec'h eus, kaset ec'h eus zoken da netra o eñvor.

Izaia 26:14 Iomraidhean Croise

Levr Job 18:17

E eñvor a dec'ho kuit a-ziwar an douar, e anv ne vo ken meneget war ar plasennoù.

Levr Job 24:20

Ar c'hof en ankounac’haio, ar preñv en debro c'hwek, den n'en devo soñj anezhañ, an den direizh a vo drailhet evel ur wezenn.

Levr Job 7:9

Ar goabrenn a steuz hag a ya kuit, evel-se an hini a ziskenn da lec'h ar marv ne adsavo ken.

Salmoù 106:28

En em stagañ a rejont ouzh Baal-Peor, hag e tebrjont aberzhoù ar re varv.

Salmoù 109:13

Ra vo e lignez lamet kuit, ra steuzio e anv gant ar rummad da zont!

Salmoù 135:17

divskouarn o deus ha ne glevont ket, n'eus ket kennebeut a c'hwezhadenn en o genoù.

Salmoù 36:12

Ra ne dostaio ket troad an hini lorc'hus ouzhin, ha ra ne vin ket brañsellet gant dorn an hini drouk.

Salmoù 59:5

Hep ma vefe fallentez ennon, e redont hag en em gempennont. Dihun da zont da'm sikour ha sell.

Salmoù 9:6

Kastizet ec'h eus ar broadoù, distrujet ec'h eus an hini drouk, o anv ac'h eus diverket dalc'hmat ha da viken.

Ermaeziadeg 14:30

En deiz-se e tieubas an AOTROU Israel eus dorn an Ejipsianed; Israel a welas an Ejipsianed marv war aodoù ar mor.

Krennlavarioù 10:7

Eñvor ar re reizh a vo benniget, met anv ar re zrouk a vreino.

Ar Prezeger 9:5

Ar re vev, e gwirionez, a oar e varvint, met ar re varv n'ouzont netra. N'eus gopr ebet ken evito, rak o eñvor a zo ankouaet.

Izaia 10:3

Petra a reot en deiz ar varnedigezh, pa zeuio an distruj a-bell? Etrezek piv e tec'hot evit kaout sikour, ha pelec'h e lezot ho kloar?

Izaia 26:19

Da re varv a vevo! Va c'horf marv a savo! Dihunit ha kanit gant levenez, tud ar boultrenn! Rak da c'hlizhenn a zo evel glizhenn ar sklêrijenn, hag an douar a roio en-dro ar re aet da get.

Izaia 29:6

Gweladennet e vi gant AOTROU an armeoù, gant kurunoù, krenioù-douar, trouz bras, korventenn, arnev, flamm un tan loskus.

Izaia 37:19

ha taolet en tan o doueoù, rak ne oant ket doueoù, met oberennoù daouarn an dud, koad ha mein. Setu perak o deus o distrujet.

Izaia 8:19

Ma lavarer deoc'h: Goulennit kuzul digant ar speredoù hag ar sorserien, digant ar re a guzulik hag a grozmol, lavarit: Ur bobl, ha ned aio ket da gavout e Zoue? Hag eo digant ar re varv e c'houlenno evit ar re vev?

Mazhev 2:20

o lavarout: Sav, kemer ar bugel bihan hag e vamm, ha kae da vro Israel, rak ar re a glaske ar bugel bihan evit e lazhañ a zo marv.

Adlezenn 4:28

Hag e servijot eno doueoù graet gant daouarn an den, koad pe maen, na welont ket, na glevont ket, na zebront ket, na c'hweshaont ket.

Apocalyps 20:5

Ar peurrest eus ar re varv n’advevjont ket ken na voe ar mil bloavezh tremenet. Hounnezh eo ar gentañ adsavidigezh.