Izaia 22:23 - Bibl Koad 21: Ar Bibl e Brezhoneg evit ar Vretoned

²³ E lakaat a rin evel un tach en ul lec'h sur, bez' e vo evel un tron a c'hloar evit ti e dad,

Izaia 22:23 Iomraidhean Croise

Ezdra 9:8

Ha bremañ, abaoe ur pennad, an AOTROU hon Doue en deus graet trugarez deomp, hag ez eus manet ur restad ac'hanomp oc'h achap; roet en deus deomp un degemer en e lec'h santel, evit ma sklêrijenno hon Doue hon daoulagad, ha ma roio deomp un tamm buhez en hor sklavelezh.

Ester 10:3

Rak ar Yuzev Mardoke a voe an eil goude Asueruz, hag e voe bras e-touez ar Yuzevien, plijus d'e vreudeur niverus, o klask mad e bobl hag o komz evit eurvad e holl ouenn.

Ester 4:14

Mar tavez en amzer-mañ, sikour ha silvidigezh a savo eus ul lec'h all bennak, met te ha ti da dad a yelo da get. Ha piv a oar ha n'eo ket evit un amzer evel houmañ ez out deuet d'ar rouantelezh?

Levr Job 36:7

Ne lam ket e zaoulagad diwar ar re reizh, o lakaat a ra gant ar rouaned war an tron, ober a ra dezho azezañ da viken, hag ez int uhelaet.

Ar Prezeger 12:11

Komzoù ar fur a zo evel broudoù, dastumet int en un teskad evel tachoù plantet; roet int bet dre ur mêsaer hepken.

Izaia 22:24

hag e vo staget outañ holl c'hloar ti e dad, an diskennidi bras ha bihan, an holl listri bihan, adalek an tasoù betek ar jarloù.

Izaia 22:25

En deiz-se, eme AOTROU an armeoù, an tach lakaet en ul lec'h sur a vo tennet, lamet e vo kuit hag e kouezho, hag ar samm a zouge a vo distrujet, rak an AOTROU en deus komzet.

Zakaria 10:4

Dioutañ e teuio ar maen-korn, dioutañ an tach, dioutañ gwareg ar brezel, dioutañ an holl bennoù-bras a-gevret.

Apocalyps 3:21

An hini a drec’ho, me a lakaio anezhañ da azezañ ganin war va zron, evel ma em eus trec’het ha ma’z on azezet gant va Zad war e dron.

1 Samuel 2:8

Adsevel a ra ar paour eus ar poultr, tennañ a ra an ezhommeg diwar an teil, evit e lakaat da azezañ gant ar briñsed, hag e ro dezo da hêrezh un tron a c'hloar. Rak peulioù an douar a zo d'an AOTROU , ha lakaet en deus warno ar bed.