Izaia 10:26 - Bibl Koad 21: Ar Bibl e Brezhoneg evit ar Vretoned

²⁶ AOTROU an armeoù a savo ur skourjez outo, evel pa skoas Madian e roc'h Oreb, evel pa oa e vazh a-us d'ar mor, hag e savo c'hoazh anezhi en doare an Ejipt.

Izaia 10:26 Iomraidhean Croise

2 Rouned 19:35

Ha d'an noz-se, ael an AOTROU a zeuas hag a skoas e kamp an Asiriz, war gant pemp ha pevar-ugent mil den. Pa voed savet abred diouzh ar beure, setu, e oa korfoù marv a bep tu.

Salmoù 35:23

Dihun, sav, va Doue ha va Aotrou, da reiñ din va gwir ha da zifenn va c'haoz!

Salmoù 83:11

a voe distrujet en En-Dor, hag a servijas da deil d'an douar.

Ermaeziadeg 14:16

Te, sav da wialenn, astenn da zorn war ar mor ha faout anezhañ, hag e yelo mibien Israel e-kreiz ar mor war ar sec'h.

Izaia 10:24

Evel-henn e komz an Aotrou, AOTROU an armeoù: Va fobl, te hag a zo o chom e Sion, na'z pez ket aon rak an Asiria; skeiñ a ra warnout gant ar wialenn, hag e sav e vazh ouzhit en doare an Ejipt,

Izaia 11:16

Bez' e vo un hent evit an nemorant eus e bobl, ar re a vo bet manet en Asiria, evel ma voe evit Israel, en deiz ma teuas kuit eus bro Ejipt.

Izaia 30:30

An AOTROU a lakaio e vouezh veurdezus da vezañ klevet, hag e lakaio e vrec'h prest da skeiñ da vezañ gwelet, e-kreiz e gounnar entanet, e-kreiz flammoù un tan loskus, e-kreiz un arnev, ur barrad-amzer ha mein grizilh.

Izaia 30:31

Ouzh mouezh an AOTROU e kreno an Asiriad, skeiñ a raio warnañ gant e vazh.

Izaia 30:32

E pep lec'h ma tremeno ar wialenn, ha ma he lakaio an AOTROU da gouezhañ warnañ, e vo klevet an taboulinoù hag an telennoù; stourm a raio outañ gant e zorn astennet.

Izaia 9:3

Rak torret ec'h eus ar yev a boueze warno, hag ar vazh a skoe gant o divskoaz, gwialenn o gwasker, evel en deiz Madian.

Izaia 9:4

Pep botez a zo douget gant ar brezelour er veskadeg, hag an dilhad ruilhet er gwad, a vo devet ha lonket gant ar flammoù.

Apocalyps 11:18

Ar broadoù a zo taeret ha da gounnar a zo deuet, kenkoulz hag an amzer da varn ar re varv, da c’hopraat da servijerien ar brofeded, ar sent hag ar re a zouj da anv, bihan ha bras, ha da zistrujañ ar re a zistruj an douar.

Apocalyps 19:15

Eus e c’henoù e teu ur c’hleze lemm evit skeiñ ar broadoù, rak gouarn a raio anezho gant ur wialenn houarn hag e wasko beol gwin kounnar daer an Doue holl-c’halloudek.

Ar Varnerien 7:25

Hag e tapjont daou rener Madian: Oreb ha Zeeb. Hag e lazhjont Oreb e Roc'h Oreb hag e lazhjont Zeeb e Gwaskell Zeeb. Hag e redjont war-lerc'h Madian, hag e tegasjont pennoù Oreb ha Zeeb da C'hedeon en tu all d'ar Jordan.