Sant Ian 5:38 - Bibl Koad 21: Ar Bibl e Brezhoneg evit ar Vretoned

³⁸ hag e c’her ne chom ket ennoc’h, pa’z eo gwir ne gredit ket en hini en deus kaset.

Testamant Nevez 1897 (Jenkins)

³⁸ Hag he gomz na choum ket enoc’h; pa’z eo gwir ne gredit ket d’an hini hen deuz digasset deoc’h.

Sant Ian 5:38 Iomraidhean Croise

Salmoù 119:11

Dalc'het em eus da c'her em c'halon, evit na bec'hin ket en da enep.

Izaia 26:10

Hag e vo graet trugarez d'an den fall? Ne zesk ket ar reizhder, hag e raio an droug e bro ar wirionez, ha ne sello ket ouzh meurded an AOTROU.

Izaia 49:7

Evel-henn e komz an AOTROU, Dasprener Israel, e Sant, d'an hini a vo disprizet gant an dud, euzhus d'ar bobl, sklav ar renerien: Rouaned a welo anezhañ hag e savint, priñsed ivez hag e stouint dirazañ, abalamour d'an AOTROU a zo feal, ha da Sant Israel en deus da zibabet.

Sant Ian 1:11

Deuet eo da gavout e re, hag e re n’o eus ket e zegemeret.

Sant Ian 15:7

Mar chomit ennon ha mar chom va gerioù ennoc’h, e c’houlennot ar pezh a fello deoc’h ha kement-se a vo roet deoc’h.

Sant Ian 8:37

Gouzout a ran ez oc’h lignez Abraham, met e klaskit va lakaat d’ar marv abalamour n’en deus ket va ger a zegemer ennoc’h.

Koloseiz 3:16

Ra chomo ger Krist gant fonnder ennoc’h e pep furnez; en em gelennit hag en em aliit an eil egile dre salmoù, meulganoù ha kanaouennoù speredel, o kanañ en ho kalonoù d’an Aotrou gant anaoudegezh vat.

Jozue 1:8

Ra ne bellaio ket al levr-mañ eus al lezenn diouzh da c'henoù, prederiañ a ri warnañ deiz ha noz, evit ober diouzh kement a zo skrivet ennañ, rak neuze e ri tro-vat ez hent, ha neuze e ri berzh.

1 Yann 2:14

Tadoù, skrivet em eus deoc’h dre ma hoc’h eus anavezet an hini a zo adalek ar penn-kentañ. Tud yaouank, skrivet em eus deoc’h dre ma’z oc’h kreñv, ma chom ger Doue ennoc’h ha ma hoc’h eus trec’het an hini drouk.