Sant Ian 19:31 - Bibl Koad 21: Ar Bibl e Brezhoneg evit ar Vretoned

³¹ Gant aon na chomfe ar c’horfoù war ar groaz e-pad ar sabad, rak kempennadur ar Pask e oa hag ar sabad-se a oa un deiz bras, ar Yuzevien a c’houlennjont digant Pilat ma vije torret o divhar dezho ha ma vijent tennet ac’hane.

Testamant Nevez 1897 (Jenkins)

³¹ Hogen, ar Judevien, evit na choumje ket ar c’horfou var ar groaz e‐pad deiz ar sabbat (rag devez ar breparation e oa, hag ar sabbat‐se a oa eun devez braz meurbed), a c’houlennaz digant Pilat ma vije torret dezhe ho diou‐esker, ha ma vijent lammet ac’hane.

Sant Ian 19:31 Iomraidhean Croise

Ermaeziadeg 12:16

D'an deiz kentañ e vo ur c'hengalv santel. Bez' ho po ivez unan er seizhvet devezh. Ne vo graet labour ebet en deizioù-se, fichet e vo hepken deoc'h ar pezh a zle pep den debriñ.

Krennlavarioù 12:10

An den reizh a gemer preder gant ene e loen, met trugarez ar re zrouk a zo kriz.

Mika 3:3

Debriñ a reont kig va fobl, hag e tennont o c'hroc'hen diwarno, hag e vruzunont o eskern, hag o lakaont a-dammoù evel evit ar pod-houarn, evel kig en ur gaoter.

Mazhev 27:62

An deiz war-lerc’h a oa deiz goude ar c’hempennadur, ar veleien vras hag ar farizianed en em zastumas, a yeas da gavout Pilat

Sant Marc 15:42

Diouzh an abardaez, evel ma oa deiz ar c’hempennadur, da lavarout eo deiz kent ar sabad,

Sant Ian 19:1

Neuze Pilat a gemeras Jezuz hag a lakaas anezhañ da vezañ skourjezet.

Sant Ian 19:14

Kempennadur ar Pask e oa, ha war-dro ar c’hwec’hvet eur. Lavarout a reas d’ar Yuzevien: Setu ho roue.

Sant Ian 19:42

Lakaat a rejont eta Jezuz ennañ, abalamour da gempennadur ar Yuzevien ha dre ma oa tost ar bez.

Jozue 8:29

Neuze e krougas ouzh ur c'hoad roue Ai betek an noz. Da guzh-heol, Jozue a c'hourc'hemennas ma vije diskennet e gorf diouzh ar c'hoad, hag e voe taolet ouzh toull-dor kêr; hag e voe savet warnañ ur bern mein bras, a zo chomet betek hiziv.