Sant Ian 16:32 - Bibl Koad 21: Ar Bibl e Brezhoneg evit ar Vretoned

³² Setu, an eur a zeu, ha deuet eo dija, penaos e viot stlabezet pep hini ouzh e gostez ha penaos e lezot ac’hanon va-unan. Met me n’on ket va-unan, rak an Tad a zo ganin.

Testamant Nevez 1897 (Jenkins)

³² Setu, dond a ra an heur, ha deuet eo dija, ma viot dispartiet pep hini d’he gostez, ha ma lezot ac’hanoun va‐unan; mes n’emoun ket va‐unan, rag an Tad a zo ganen.

Sant Ian 16:32 Iomraidhean Croise

Zakaria 13:7

Kleze, dihun a-enep va mêsaer, a-enep an den a zo kar din, eme AOTROU an armeoù, sko gant ar mêsaer, hag an deñved a vo stlabezet, hag e troin va dorn a-enep ar re vihan.

Mazhev 26:31

Neuze Jezuz a lavaras dezho: Me a vo evidoc’h holl en noz-mañ un abeg da gouezhañ, rak skrivet eo: Skeiñ a rin ar mesaer ha deñved an tropell a vo stlabezet.

Mazhev 26:56

Met kement-se a zo c’hoarvezet evit ma vo peurc’hraet ar pezh a zo bet skrivet gant ar brofeded. Neuze e holl ziskibien a zilezas anezhañ hag a dec’has kuit.

Sant Marc 14:27

Jezuz a lavaras dezho: Me a vo deoc’h holl en noz-mañ un abeg da gouezhañ, rak skrivet eo: Skeiñ a rin ar mesaer hag an deñved a vo stlabezet.

Sant Marc 14:50

Neuze an holl a zilezas anezhañ hag a dec’has kuit.

Sant Ian 12:23

Jezuz a respontas dezho: An eur a zo deuet ma tle Mab an den resev gloar.

Sant Ian 16:2

Kas a raint ac’hanoc’h kuit eus o sinagogennoù, hag an eur a zeu ma kredo piv bennak ho lakaio d’ar marv reiñ ul lid da Zoue.

Sant Ian 16:25

Lavaret em eus deoc’h an traoù-se e parabolennoù. Met an amzer a zeu ma ne gomzin ken deoc’h e parabolennoù hag e komzin deoc’h sklaer diwar-benn an Tad.

Sant Ian 16:31

Jezuz a respontas dezho: Ha krediñ a rit bremañ?

Sant Ian 19:27

Neuze e lavaras d’an diskibl: Setu da vamm. Hag adalek an eur-se, an diskibl a gemeras anezhi en e di.

Sant Ian 20:10

Hag an diskibien a zistroas d’o ziez.

Sant Ian 4:21

Jezuz a lavaras dezhi: Gwreg, kred ac’hanon, an eur a zeu ma n’azeulot ken an Tad na war ar menez-mañ nag e Jeruzalem.

Sant Ian 4:23

Met an eur a zeu, ha deuet eo dija, ma teuio ar gwir azeulerien da azeuliñ an Tad e spered hag e gwirionez, rak an Tad a c’houlenn ar seurt azeulerien-se.

Sant Ian 5:25

E gwirionez, e gwirionez, me a lavar deoc’h, an eur a zeu, ha deuet eo dija, ma klevo ar re varv mouezh Mab Doue, hag ar re he c’hlevo a vevo.

Sant Ian 5:28

Na vezit ket souezhet a gement-se, rak dont a ra an eur ma klevo e vouezh ar re holl a zo er bezioù ha ma’z aint er-maez,

Sant Ian 8:16

Ha mar barnan, va barnedigezh a zo gwirion, rak n’on ket va-unan, met ganin emañ an Tad en deus va c’haset.

Sant Ian 8:29

An hini en deus va c’haset a zo ganin. An Tad n’en deus ket va lezet va-unan, abalamour ma ran atav ar pezh a blij dezhañ.

Actou an Ebestel 21:6

Goude bezañ kimiadet an eil diouzh egile, e pignjomp er vatimant hag int a zistroas d’o ziez.

Actou an Ebestel 8:1

Saol a roas e asant d’ar marv-se. Bez’ e voe en deiz-se un heskinadeg vras a-enep Iliz Jeruzalem. Hag e voent holl stlabezet, nemet an ebestel, dre vroioù Judea ha Samaria.