Geneliezh 7:11 - Bibl Koad 21: Ar Bibl e Brezhoneg evit ar Vretoned

¹¹ Er bloavezh c'hwec'h kant eus buhez Noe, en eilvet miz, er seitekvet deiz eus ar miz, en deiz-se, mammennoù an donder bras a strinkas ha stouvelloù an neñvoù a zigoras.

Geneliezh 7:11 Iomraidhean Croise

Geneliezh 1:7

Doue a reas an astennidigezh hag a zispartias an doureier a zo dindan an astennidigezh diouzh ar re a zo dreist an astennidigezh. Hag evel-se e voe.

Geneliezh 6:17

Ha me, setu, a ya da zegas al liñvadenn-veur war an douar, evit distrujañ kement kig en deus c'hwezhadenn a vuhez dindan an neñvoù. Kement a zo war an douar a varvo.

Geneliezh 7:6

Noe a oa oadet a c'hwec'h kant vloaz pa voe al liñvadenn-veur ha ma teuas an doureier war an douar.

Geneliezh 8:14

D'an eilvet miz, d'ar seizhvet warn-ugent eus ar miz, an douar a voe sec'h.

Geneliezh 8:2

Mammennoù an donder ha stouvelloù an neñvoù en em stankas, hag ar glav a voe dalc'het en neñvoù.

2 Rouned 7:19

an ofiser en doa respontet da zen Doue o lavarout: Pa rafe an AOTROU prenestroù en neñvoù, hag e c'hoarvezo kement-se? Hag Elizea en doa lavaret: Setu, e welout a ri gant da zaoulagad, met ne zebri ket diouto.

2 Rouned 7:2

An ofiser ma en em harpe ar roue war e zorn, a respontas da zen Doue o lavarout: Pa rafe an AOTROU prenestroù en neñvoù, hag e c'hoarvezo kement-se? Elizea a lavaras: Setu, e welout a ri gant da zaoulagad, met ne zebri ket diouto.

Levr Job 12:15

Setu e harz ouzh an doureier hag e tisec'hont, ha ma laosk anezho ec'h eilpennont an douar.

Levr Job 28:4

Kleuzet eo ur puñs pell diouzh al lec'hioù tudet; ennañ ne c'heller ket araokaat gant an treid, hag e vezer ispilhet hag hejet pell diouzh an dud.

Levr Job 38:16

Hag aet out betek mammennoù ar mor, ha kerzhet ec'h eus war foñs an donder?

Levr Job 38:37

Piv a c'hell niveriñ ar c'houmoul gant furnez, piv a c'houllonder seier-lêr an neñvoù,

Salmoù 33:7

Dastum a ra doureier ar mor evel ur bern, hag e laka ar c'hoummadoù e stankadennoù.

Salmoù 74:15

Te eo a lakaas mammennoù ha gwazhioù da strinkañ, hag a zisec'has stêrioù dihesk.

Krennlavarioù 3:20

Dre an anaoudegezh eo e vez digoret an donderioù, hag e laosk ar goabrennoù ar c'hlizhenn.

Izaia 24:18

An hini a dec'ho dirak trouz ar spouron a gouezho er poull, an hini a vo adpignet eus kreiz ar poull a vo paket er roued, rak stouvelloù an nec'h a zigor, ha diazezoù an douar a gren.

Izaia 24:19

An douar a zo roget! An douar a zo torret! An douar a zo brallet taer!

Jeremiaz 5:22

Ha ne zoujot ket ac'hanon, eme an AOTROU, ha ne grenot ket dirazon? Me am eus lakaet an traezh evel harz d'ar mor, dre ur reolenn beurbadus na dremeno ket. E goummoù a fiñv met dic'halloud int, krozal a reont met ne dremenint ket dreist.

Jeremiaz 51:16

Da drouz e vouezh, an doureier en em zastum en neñvoù, hag e laka ur vrumenn da sevel eus pennoù an douar. Ober a ra al luc'hed hag ar glav, hag e tenn an avel eus e deñzorioù.

Ezekiel 26:19

Rak evel-henn e komz an Aotrou AOTROU: Pa rin ac'hanout ur gêr wastet, heñvel ouzh ar c'hêrioù n'o deus ket a annezidi, pa lakain an donder da bignat a-enep dit, ha pa c'holoio an doureier bras ac'hanout,

Malaki 3:10

Degasit an holl zeogoù da di an teñzor, evit ma vo bevañs em zi. Va amprouit e kement-se, eme AOTROU an armeoù, daoust ha ne zigorin ket skluzioù an neñvoù, ha ne skuilhin ket warnoc'h ar vennozh hep muzul.

Mazhev 24:38

Rak en deizioù a-raok al liñvadenn-veur, an dud a zebre hag a eve, en em zimeze hag a roe da zimeziñ, betek an deiz ma’z eas Noe en arc’h,

1 Tesalonikiz 5:3

Rak pa lavarint: Peoc’h ha surentez! neuze un distruj buan a zeuio warno, evel ma c’hoarvez ar gwentloù gant ur wreg a zo brazez, ha ne dec’hint ket.

2 Pêr 3:6

ha penaos e voe kollet drezañ ar bed eus an amzer-se, goloet gant dour.