Geneliezh 22:3 - Bibl Koad 21: Ar Bibl e Brezhoneg evit ar Vretoned

³ Abraham a savas beure-mat, a sternas e azen, a gemeras daou eus e vevelien gantañ hag Izaak e vab. Faoutañ a reas koad evit al loskaberzh hag ez eas etrezek al lec'h m'en doa lavaret Doue.

Geneliezh 22:3 Iomraidhean Croise

Geneliezh 17:23

Abraham a gemeras Ismael e vab, ar re holl a oa bet ganet en e di hag ar re holl en doa prenet gant e arc'hant, an holl bared a oa e-touez tud e di, hag ec'h amdroc'has o c'hig an deiz-se memes, evel m'en doa lavaret Doue.

Geneliezh 21:14

Abraham a savas beure-mat, a gemeras bara hag ur sac'h-dour hag o roas da Agar. O lakaat a reas war he skoaz, reiñ a reas dezhi ar bugel hag he c'hasas kuit. Hag ez eas hag e kerzhas e gouelec'h Beer-Sheba.

Geneliezh 22:18

Holl vroadoù an douar a vo benniget ez lignez, dre ma ec'h eus sentet ouzh va mouezh.

Geneliezh 22:2

Lavarout a reas: Kemer da vab, da vab nemetañ, an hini a garez, Izaak, ha kae gantañ da vro v-Moria, hag eno kinnig anezhañ e loskaberzh war unan eus ar menezioù a lavarin dit.

Geneliezh 22:4

D'an trede devezh, Abraham, o sevel e zaoulagad, a welas al lec'h a-bell.

Salmoù 119:60

Hastañ a ran, ne zalean ket, evit mirout da c'hourc'hemennoù.

Ar Prezeger 9:10

Kement a gav da zorn d'ober, gra-eñ hervez da c'halloud, rak n'eus na labour, na soñj, na anaoudegezh, na furnez e lec'h ar marv m'emaout o vont.

Mazhev 10:37

An neb a gar e dad pe e vamm muioc’h egedon n’eo ket dellezek ac’hanon, hag an neb a gar e vab pe e verc’h muioc’h egedon n’eo ket dellezek ac’hanon.

Sant Lucas 14:26

Mar deu unan bennak da’m c’havout ha ne gasa ket e dad, e vamm, e wreg, e vugale, e vreudeur, e c’hoarezed, ha muioc’h c’hoazh e vuhez hec’h-unan, ne c’hell ket bezañ va diskibl.

Galated 1:16

diskuliañ e Vab ennon evit ma prezegfen anezhañ e-touez ar baganed, kerkent, ne selaouis nag ar c’hig nag ar gwad

Hebreed 11:8

Dre ar feiz Abraham, pa voe galvet, a sentas evit mont d’ar vro a dlee kaout da hêrezh hag a yeas kuit, hep anavezout pelec’h ez ae.

Jozue 3:1

Jozue a savas beure-mat, a yeas kuit eus Sitim hag a zeuas betek ar Jordan, gant holl vibien Israel. Hag e tremenjont eno an noz a-raok treuziñ.

Jozue 8:10

Jozue a savas beure-mat hag a niveras ar bobl, hag e pignas, eñ hag henaourien Israel, a-raok an dud, war-zu Ai.