Geneliezh 15:3 - Bibl Koad 21: Ar Bibl e Brezhoneg evit ar Vretoned

³ Hag Abram a lavaras: Setu ne'c'h eus ket roet din a lignez, setu perak an hini ganet em zi a vo va heritour.

Geneliezh 15:3 Iomraidhean Croise

Geneliezh 12:2

Me a lakaio ac'hanout da zont da vezañ ur vroad vras, me a vennigo ac'hanout, me a rento da anv bras. Hag e vi ur vennozh.

Geneliezh 13:16

Ober a rin ma vo da lignez evel poultr an douar; mar gell unan bennak kontañ poultrenn an douar, da lignez ivez a vo kontet.

Geneliezh 14:14

Pa glevas Abram e oa prizoniad e vreur, ec'h armas tri c'hant triwec'h eus e dud leal, ganet en e di, hag ez eas war-lerc'h ar rouaned-se betek Dan.

Geneliezh 15:2

Abram a respontas: AOTROU Doue, petra a roi din? Me a ya hep bugale, hag an hini a vo va zi dezhañ eo Eliezer a Zamask.

Krennlavarioù 13:12

An esperañs daleet a laka ar galon da langisañ, met ar c'hoant sevenet a zo evel ur wezenn a vuhez.

Krennlavarioù 29:21

Ar servijer a vo ur mab a-benn ar fin d'an hini a vev anezhañ gant preder adalek e yaouankiz.

Krennlavarioù 30:23

en abeg d'ur wreg kasaet a zimez, en abeg d'ur vatezh a zo hêr d'he mestrez.

Ar Prezeger 2:7

Prenet em eus sklaved ha sklavezed, hag em eus bet o bugale ganet em zi, bet em eus muioc'h a ejened ha deñved eget an holl re a zo bet a-raok din e Jeruzalem.

Jeremiaz 12:1

Re reizh ez out, AOTROU, evit ma kavfen abeg ennout, koulskoude e komzin diwar-benn da varnedigezhioù. Perak e ra berzh hent ar re fall? Perak emañ e peoc'h an holl douellerien?