Geneliezh 13:1 - Bibl Koad 21: Ar Bibl e Brezhoneg evit ar Vretoned

¹ Abram a bignas eus an Ejipt etrezek ar c'hreisteiz, eñ, e wreg, kement a oa dezhañ ha Lot gantañ.

Geneliezh 13:1 Iomraidhean Croise

Geneliezh 20:1

Abraham a yeas ac'hane war-zu bro ar C'hreisteiz, hag e chomas etre Kadesh ha Shur. Chom a reas e Gerar.

Geneliezh 21:33

Abraham a blantas un damarisklenn e Beer-Sheba hag a c'halvas eno anv an AOTROU, an Doue peurbadus.

2 Samuel 24:7

Dont a rejont ivez da greñvlec’h Tir hag en holl gêrioù an Hevianed hag ar Gananeiz, hag ec'h echujont dre greisteiz Juda e Beer-Sheba.

Niveroù 13:17

Moizez a gasas anezho evit spiañ bro Ganaan hag a lavaras: Pignit amañ dre ar c'hreisteiz, pignit war ar menez,

Jozue 10:40

Jozue a skoas eta war ar vro holl, war ar menez, ar c'hreisteiz, ar blaenenn, ar c'hrec'hioù, gant o holl rouaned. Ne lezas den da dec'hout kuit, hag e lakaas da verz kement a anale, evel m'en doa gourc'hemennet an AOTROU Doue Israel.

Jozue 18:5

Hag he lodennint e seizh lodenn, Juda a chomo en e harzoù er c'hreisteiz, ha ti Jozef a chomo en e harzoù en hanternoz.

1 Samuel 27:10

Hag Akish a lavare: Pelec'h hoc'h eus graet hoc'h argad hiziv? Ha David a responte: Etrezek kreisteiz Juda, etrezek kreisteiz Jerakmeel, etrezek kreisteiz ar Genianed.