Geneliezh 1:9 - Bibl Koad 21: Ar Bibl e Brezhoneg evit ar Vretoned

⁹ Doue a lavaras: Ra en em zastumo an doureier a zo dindan an neñvoù en ul lec'h hepken, ma en em ziskouezo ar sec'h. Hag evel-se e voe.

Geneliezh 1:9 Iomraidhean Croise

Geneliezh 1:8

Doue a c'halvas an astennidigezh neñvoù. Hag un abardaez, hag ur beure, a voe an eil deiz.

Nehemia 9:6

Te hepken eo an AOTROU! Graet ec'h eus an neñvoù, neñv an neñvoù hag o holl arme, an douar ha kement a zo warnañ, ar morioù ha kement a zo enno. Reiñ a rez buhez d'an holl draoù-se, hag arme an neñvoù a stou dirazout.

Levr Job 26:10

Merket en deus ur c'helc'h war an doureier, evel bevenn etre sklêrijenn ha teñvalijenn.

Levr Job 26:7

Astenn a ra an hanternoz war ar goullo, hag ec'h istribilh an douar war an netra.

Salmoù 104:3

sevel a ra e chomlec'h uhel war an doureier, eus ar goabrenn e ra e garr, emañ o pourmen war eskell an avel,

Salmoù 33:7

Dastum a ra doureier ar mor evel ur bern, hag e laka ar c'hoummadoù e stankadennoù.

Salmoù 95:5

Dezhañ eo ar mor, e c'hraet en deus, hag e zaouarn o deus doareet an douar.

Ar Prezeger 1:7

An holl stêrioù a ya d'ar mor, ha n'eo ket leuniet ar mor; hag ar stêrioù a gendalc'h da vont da gavout al lec'h ma teuont dioutañ.

Jeremiaz 5:22

Ha ne zoujot ket ac'hanon, eme an AOTROU, ha ne grenot ket dirazon? Me am eus lakaet an traezh evel harz d'ar mor, dre ur reolenn beurbadus na dremeno ket. E goummoù a fiñv met dic'halloud int, krozal a reont met ne dremenint ket dreist.

Jonaz 1:9

Hag e lavaras: Hebread ez on. Doujañ a ran an AOTROU, Doue an neñvoù, an hini en deus graet ar mor hag ar sec'h.

2 Pêr 3:5

Rak a-ratozh eo n’ouzont ket kement-mañ: an neñvoù a voe gwechall krouet dre c’her Doue, kenkoulz hag an douar a oa er-maez eus an dour hag en dour,

Apocalyps 10:6

hag a douas dre an hini a vev e kantvedoù ar c’hantvedoù, hag en deus krouet an neñv hag an traoù a zo ennañ, an douar hag an traoù a zo warnañ, ar mor hag an traoù a zo ennañ, penaos ne vo ken a amzer,