Filipiz 2:20 - Bibl Koad 21: Ar Bibl e Brezhoneg evit ar Vretoned

²⁰ Rak ne’m eus den hag a vefe unanet ganin evit kemer ur gwir preder eus ar pezh a sell ac’hanoc’h,

Testamant Nevez 1897 (Jenkins)

²⁰ Rag n’am euz den hag a vez ken accord ganen, evit kemer sourci a‐walc’h euz ar pez a zell ouzoc’h;

Filipiz 2:20 Iomraidhean Croise

Salmoù 55:13

Rak n'eo ket un enebour a zismegañs ac'hanon, me a c'hellfe en gouzañv, va enebour n'eo ket an hini a gasae ac'hanon, me a guzhfe pell dioutañ,

Krennlavarioù 31:29

Kalz merc'hed o deus labouret nerzhus, met te a zo a-us dezho holl.

Sant Ian 10:13

An devezhour a dec’h, abalamour ma’z eo devezhour ha na gemer ket preder eus an deñved.

Sant Ian 12:6

Lavarout a rae kement-se, n’eo ket m’en doa preder ouzh ar beorien, met abalamour ma oa laer hag, o terc’hel ar yalc’h, e kemere ar pezh a lakaed enni.

Romaned 15:5

Ra roio deoc’h an Doue a basianted hag a frealz da gaout an hevelep santadoù etrezoc’h hervez skouer Jezuz-Krist,

1 Korintiz 16:10

Mar deu Timote, lakait evezh ma vo hep aon en ho touez, rak labourat a ra da oberenn an Aotrou eveldon va-unan.

Filipiz 2:2

leugnit va levenez, en ur vezañ a-unan etrezoc’h, en ur gaout an hevelep karantez, an hevelep ene, an hevelep soñjoù.

Filipiz 2:22

Anavezout a rit penaos eo bet amprouet pa’z eo en em lakaet ganin e servij an Aviel, evel ur bugel gant e dad.

Koloseiz 4:11

Jezuz lesanvet Justuz a salud ivez ac’hanoc’h. Bez’ int eus an amdroc’h hag int eo ar re nemetañ o vezañ kenlabourerien din e rouantelezh Doue hag a zo bet ur frealz evidon.

1 Timote 1:2

da Dimote, va gwir vab er feiz: Ar c’hras, an drugarez hag ar peoc’h ra vo roet dit a-berzh Doue hon Tad ha Jezuz-Krist hon Aotrou!

1 Timote 4:6

Mar displegez an traoù-se d’ar vreudeur, e vi ur ministr mat eus Jezuz-Krist, maget gant gerioù ar feiz hag ar gelennadurezh vat ac’h eus heuliet.

2 Timote 1:5

o virout ar soñj eus ar feiz gwirion a zo ennout, a zo bet da gentañ en da vamm-gozh Loiz hag en da vamm Euniz, hag a zo ennout ivez, me a zo sur-mat.

2 Timote 3:10

Evidout, heuliet ec’h eus va deskadurezh, va c’hundu, va menoz, va feiz, va fasianted, va c’harantez, va dalc’husted,

1 Samuel 18:1

P'en doe echuet David da gomz ouzh Saül, ene Jonatan a voe ereet da ene David, ha Jonatan en karas evel e ene.

1 Samuel 18:3

Neuze Jonatan a reas emglev gant David, dre ma kare anezhañ evel e ene.