Ezdra 6:9 - Bibl Koad 21: Ar Bibl e Brezhoneg evit ar Vretoned

⁹ Ar pezh o devo ezhomm, leueoù, tourzed, oaned, evit loskaberzhoù Doue an neñvoù, gwinizh, holen, gwin, eoul, evel ma lavaro an aberzhourien a zo e Jeruzalem, ra vo roet dezho bemdez hep mankout,

Ezdra 6:9 Iomraidhean Croise

1 Danevelloù 9:29

Bez' e oa ivez darn hag a oa lakaet war al listri all ha war draoù all ar santual, war ar flour bleud, ar gwin, an eoul, an ezañs, al louzoù-frondus.

Ezdra 6:10

evit ma kinnigint traoù a c'hwezh dudius da Zoue an neñvoù, ha ma pedint evit buhez ar roue hag e vibien.

Ezdra 6:8

Eus va ferzh eo roet an urzh diwar-benn ar pezh hoc'h eus d'ober e-keñver henaourien ar Yuzevien evit adsevel ti Doue: Diwar leve ar roue o tont eus tailhoù an tu all d'ar stêr, ra vo paeet buan an dispign d'an dud-se, evit na baouezint ket en o labour.

Izaia 49:23

Rouaned a vo da vagerien, hag o friñsezed da vagerezed, stouiñ a raint dirazout an dremm d'an douar, hag e lipint poultrenn da dreid. Te a anavezo ez on an AOTROU, ha ne vo ket mezhek ar re a zo en gortoz ac'hanon.

Leviegezh 1:10

Mar d-eo e brof eus al loened bihan, oaned pe givri, evit ul loskaberzh, e kinnigo ur par disi.

Leviegezh 9:2

hag e lavaras da Aaron: Kemer ul leue yaouank evit un aberzh-dic’haouiñ hag un tourz evit ul loskaberzh, an eil hag egile disi, ha kinnig anezho dirak an AOTROU.

Sant Marc 9:49

Rak pep hini a vo sallet gant tan, ha pep prof a vo sallet gant holen.