Ezdra 5:16 - Bibl Koad 21: Ar Bibl e Brezhoneg evit ar Vretoned

¹⁶ Neuze ar Sheshbazar-mañ a zeuas hag a ziazezas ti Doue a zo e Jeruzalem. Adalek an amzer-se betek bremañ ec'h adsavomp anezhañ, ha n'eo ket echu c'hoazh.

Ezdra 5:16 Iomraidhean Croise

Ezdra 3:10

Pa daolas ar vañsonerien diazez an templ an AOTROU, e voe kerc'het an aberzhourien gant o gwiskamant hag o zrompilhoù, hag al Levited, mibien Azaf, gant o simbalennoù, evit meuliñ an AOTROU, hervez urzhiadur David roue Israel.

Ezdra 3:8

D'an eilvet bloaz adalek o donedigezh e ti Doue e Jeruzalem, d'an eil miz, Zorobabel mab Salatiel, Jezua mab Jozadak, gant an nemorant eus o breudeur, an aberzhourien, al Levited, hag an holl re a oa deuet diouzh an harlu da Jeruzalem a stagas gant al labour. Hag e lakajont Levited, adalek an oad a ugent vloaz ha dreistoc'h, evit eveshaat ouzh labour ti an AOTROU.

Ezdra 5:14

Ha zoken, ar roue Kiruz a dennas eus templ Babilon listri aour hag arc'hant ti Doue, en doa Nebukadnezar kaset kuit eus templ Jeruzalem hag en doa lakaet e templ Babilon. Roet e voent da unan anvet Sheshbazar, a zo bet lakaet da c'houarnour,

Ezdra 5:15

hag e lavaras dezhañ: Kemer al listri-mañ ha kae d'o c'has da dempl Jeruzalem, ha ra vo adsavet ti Doue en e lec'h.

Ezdra 5:2

Neuze Zorobabel mab Salatiel ha Jezua mab Jozadak a savas, hag en em adlakajont da sevel ti Doue a zo e Jeruzalem; ha ganto e oa profeded Doue, ouzh o skoazell.

Ezdra 6:15

An ti-se a voe echuet d'an trede deiz a viz Adar, er c'hwec'hvet bloaz eus ren ar roue Dariuz.

Agge 2:18

Taolit evezh eta, adalek an deiz-mañ hag evit an dazont, adalek ar pevare deiz warn-ugent eus an navet miz, adalek an deiz-mañ m'eo bet diazezet templ an AOTROU, taolit evezh:

Zakaria 4:10

Rak piv eo en deus disprizet amzer an deroù bihan? Laouen e vint o welout ar gordenn-vuzuliañ e dorn Zorobabel. Ar seizh-se a zo lagadoù an AOTROU oc'h ergerzhout an douar holl.

Zakaria 4:9

Daouarn Zorobabel o deus soliet an ti-mañ, hag e zaouarn a echuo anezhañ, hag e ouezi ez on bet kaset davedoc'h gant AOTROU an armeoù.

Sant Ian 2:20

Ar Yuzevien a lavaras dezhañ: C’hwec’h vloaz ha daou-ugent a zo bet ret evit sevel an templ-mañ, ha te en adsavfe e tri devezh?